പത്തനംതിട്ട: ജോലി കഴിഞ്ഞ് വീട്ടിലേക്ക് മടങ്ങിയ യുവതിയെ തടഞ്ഞുനിര്‍ത്തിയശേഷം കടന്ന് പിടിച്ച യുവാവ് അറസ്റ്റില്‍.
പത്തനംതിട്ട വള്ളംകുളം സ്വദേശി വിഷ്ണുവാണ് അറസ്റ്റിലായത്. തിരുവല്ല പൊലീസാണ് പിടികൂടിയത്.
ചൊവ്വാഴ്ച രാത്രി എട്ട് മണിയോടെയാണ് കേസിനാസ്പദമായ സംഭവം. സ്വകാര്യ സ്ഥാപനത്തിലെ ജോലികഴിഞ്ഞ് സ്കൂട്ടറില്‍ വീട്ടിലേക്ക് മടങ്ങുകയായിരുന്ന യുവതിയെ നെല്ലാട് പാടത്തുംപാലത്തിന് സമീപത്ത് വച്ചാണ് വിഷ്ണു തടഞ്ഞു നിര്‍ത്തിയത്. ആദ്യം അസഭ്യം പറഞ്ഞു. പിന്നീട് കടന്ന് പിടിച്ചു. തുടര്‍ന്ന്, യുവതിയുടെ ചുരിദാര്‍ വലിച്ചു കീറാന്‍ ശ്രമിച്ചെന്നും പരാതിയില്‍ പറയുന്നു. യുവതി ബഹളം വച്ചതോടെ നാട്ടുകാര്‍ ഓടികൂടുകയും ഈ സമയം വിഷ്ണു സംഭവ സ്ഥലത്ത് നിന്ന് രക്ഷപെടുകയുമായിരുന്നു.
നിരന്തരം വിഷ്ണു യുവതിയെ ശല്യപ്പെടുത്തുമായിരുന്നു. ഇതിനെതിരെ യുവതി പൊലീസില്‍ പരാതി നല്‍കിയതാണ് വഴിയില്‍ തടഞ്ഞു നിര്‍ത്തിയുള്ള അതിക്രമത്തിന് കാരണം.
സംഭവശേഷം യുവതി തിരുവല്ല പൊലീസില്‍ വീണ്ടും പരാതി നല്‍കി. തുടര്‍ന്ന്, ബുധനാഴ്ച രാവിലെ വിഷ്ണുവിന്റെ വീട്ടില്‍ നിന്നാണ് ഇയാളെ കസ്റ്റഡിയിലെടുത്തത്. പ്രതിയെ കോടതിയില്‍ ഹാജരാക്കി.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
