തിരുവനന്തപുരം> കണ്ണൂരിൽ നടക്കുന്ന സിപിഐ എം 23ാം പാർട്ടി കോൺഗ്രസിന്റെ വിവിധ വേദികൾക്ക് മൺമറഞ്ഞ നേതാക്കളുടെ പേര് നൽകാൻ പാർട്ടി സംസ്ഥാന സെക്രട്ടറിയേറ്റ് തീരുമാനിച്ചതായി സെക്രട്ടറി കോടിയേരി ബാലകൃഷ്ണൻ അറിയിച്ചു. പ്രതിനിധി സമ്മേളനം നടക്കുന്ന ഹാളിന് ഇ കെ നായനാർ നഗർ എന്ന് പേരിടും. പൊതുസമ്മേളനം നടക്കുക എകെജി നഗറിലായിരിക്കും. സെമിനാർ ഹാൾ സി എച്ച് കണാരൻ നഗർ. ചരിത്രപ്രദർശനം നടക്കുന്ന വേദിക്ക് കെ വരദരാജൻ നഗർ എന്ന് പേരിടും. പുസ്തകോത്സവം നിരുപൻസെൻ നഗറിലും മീഡിയ സെന്റർ ചടയൻ ഗോവിന്ദൻ നഗറിലുമായിരിക്കും.
പിണറായി പതാക ഉയർത്തും
ഏപ്രിൽ അഞ്ചിന് വൈകിട്ട് അഞ്ചിന് പൊതുസമ്മേളന നഗരിയിൽ സ്വാഗതസംഘം ചെയർമാൻ കൂടിയായ മുഖ്യമന്ത്രി പിണറായി വിജയൻ പതാക ഉയർത്തും. ഇ കെ നായനാർ അക്കാദമിയിൽ പ്രത്യേകം തയ്യാറാക്കിയ ഹാളിലാണ് പ്രതിനിധി സമ്മേളനം നടക്കുക. ഇ കെ നായനാർ മ്യൂസിയം നിർമ്മാണം പൂർത്തിയാവുകയാണ്. ഏപ്രിൽ അഞ്ചിന് തുറക്കും.
കൊടിമര, പതാക ജാഥകൾ
പൊതുസമ്മേളന നഗറിൽ ഉയർത്താനുള്ള കെടിമരം കയ്യൂരിൽ നിന്നും പതാക വയലാറിൽ നിന്നും ജാഥകളായി എത്തിക്കും. കേന്ദ്രകമ്മറ്റിയംഗം പി കെ ശ്രീമതി ലീഡറും സംസ്ഥാന കമ്മറ്റിയംഗം കെ പി സതീഷ്ചന്ദ്രൻ മാനേജറുമായ കൊടിമര ജാഥ ഏപ്രിൽ അഞ്ചിന് രാവിലെ 9 ന് കേന്ദ്രകമ്മറ്റിയംഗം പി കരുണാകരൻ ഉദ്ഘാടനം ചെയ്യും.
സംസ്ഥാന സെക്രട്ടറിയേറ്റംഗം എം സ്വരാജ് ലീഡറും സംസ്ഥാന കമ്മറ്റിയംഗം സി ബി ചന്ദ്രബാബു മാനേജറുമായ പതാക ജാഥ ഏപ്രിൽ ഒന്നിന് രാവിലെ എട്ടിന് പൊളിറ്റ്ബ്യൂറോ അംഗം എം എ ബേബി ഉദ്ഘാടനം ചെയ്യും. പ്രധാന കേന്ദ്രങ്ങളിൽ ജാഥകൾക്ക് സ്വീകരണം നൽകും. വനിതകൾ ഉൾപ്പെടെ നൂറ് അത്ലറ്റുകൾ അനുഗമിക്കും.
source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
