ന്യൂഡല്‍ഹി: വനിതാ കമ്മീഷന്‍ അദ്ധ്യക്ഷ സ്വാതി മലിവാളിനെ കാറില്‍ വലിച്ചിഴച്ച സംഭവം നാടകമെന്ന് ആരോപിച്ച് ബിജെപി. എന്നാല്‍ സംഭവത്തിന്റെ ദൃശ്യങ്ങള്‍ വനിതാ കമ്മീഷന്‍ പുറത്തുവിട്ടു. പുലര്‍ച്ചെ മൂന്ന് മണിയോടെ ഡല്‍ഹി എയിംസ് ആശുപത്രി പരിസരത്ത് വെച്ചായിരുന്നു അക്രമം. രാത്രിയിൽ സ്ത്രീ സുരക്ഷ പരിശോധിക്കാൻ പോയപ്പോഴാണ് അപമാനിക്കാൻ ശ്രമിച്ചതെന്ന് ദില്ലി വനിതാ കമ്മീഷൻ അധ്യക്ഷ സ്വാതി മലിവാൾ പറഞ്ഞു. കാറിലെത്തിയ ഹരീഷ് ചന്ദ്ര എന്ന ആളാണ് സ്വാതി മലിവാളിനെതിരെ അതിക്രമം നടത്തിയത്. ഇയാളെ ദില്ലി പൊലീസ് അറസ്റ്റ് ചെയ്തു.
സംഭവത്തില്‍ ലെഫ്റ്റനന്റ് ഗവര്‍ണര്‍ വിനയ് കുമാര്‍ സക്‌സേനയ്‌ക്കെതിരെ ഡല്‍ഹി മുഖ്യമന്ത്രി അരവിന്ദ് കെജ് രിവാള്‍ രംഗത്തുവന്നു. സംസ്ഥാനത്തെ വനിതാ കമ്മീഷന്‍ അദ്ധ്യക്ഷയ്ക്ക് പോലും സുരക്ഷയില്ലാത്ത അവസ്ഥയാണ് നിലവിലുള്ളതെന്ന് കെജ് രിവാള്‍ വിമര്‍ശിച്ചു. കുറച്ച് ദിവസത്തേയ്ക്ക് ഗവര്‍ണര്‍ രാഷ്ട്രീയം മറന്ന് സംസ്ഥാനത്തിന്റെ ക്രമസമാധാനത്തില്‍ ശ്രദ്ധിക്കണെന്നും അദ്ദേഹം കുറ്റപ്പെടുത്തി.
The post സ്വാതി മലിവാളിന് നേരെയുണ്ടായ അതിക്രമം നാടകമെന്ന് ബിജെപി, ദൃശ്യങ്ങൾ പുറത്തുവിട്ട് വനിതാ കമ്മീഷൻ appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
