ഒഴിവുകളിലേക്ക് ബിഎസ്‌എഫ് അപേക്ഷ ക്ഷണിച്ചു. എഎസ്‌ഐ (സ്റ്റെനോഗ്രാഫർ), വാറന്റ് ഓഫീസർ (പേഴ്സണല്‍ അസിസ്റ്റന്റ്) തസ്തികകളിലായി 243 ഒഴിവുകളും ഹെഡ് കോണ്‍സ്റ്റബിള്‍ (മിനിസ്റ്റീരിയല്‍), ഹവില്‍ദാർ (ക്ലർക്ക്) തസ്തികകളിലേക്ക് 1283 ഒഴിവുകളും സഹിതം ആകെ 1526 തസ്തികകള്‍ നികത്താനാണ് റിക്രൂട്ട്‌മെന്റ് ഡ്രൈവ് ലക്ഷ്യമിടുന്നത്.
താല്‍പര്യമുള്ള ഉദ്യോഗാർത്ഥികള്‍ക്ക് rectt.bsf.gov.in എന്ന വെബ്‌സൈറ്റ് വഴി ജൂലായ് എട്ട് വരെ അപേക്ഷിക്കാം.
എഎസ്‌ഐ (സ്റ്റെനോഗ്രാഫർ), വാറന്റ് ഓഫീസർ (പേഴ്സണല്‍ അസിസ്റ്റന്റ്) തസ്തികകളില്‍ 29,200 രൂപ മുതല്‍ 92,300 രൂപ വരെയാണ് ശമ്ബള സ്‌കെയില്‍. ഹെഡ് കോണ്‍സ്റ്റബിള്‍ (മിനിസ്റ്റീരിയല്‍), ഹവില്‍ദാർ (ക്ലർക്ക്) തസ്തികകളിലേക്ക് ശമ്ബള സ്‌കെയില്‍ 25,500 മുതല്‍ 81,100 രൂപ വരെയാണ്. അപേക്ഷകർ 2024 ഓഗസ്റ്റ് 1ന് 18നും 25നും ഇടയില്‍ പ്രായമുള്ളവരായിരിക്കണം.
സംവരണ വിഭാഗക്കാർക്ക് ഉയർന്ന പ്രായപരിധിയില്‍ ഇളവ് നല്‍കിയിട്ടുണ്ട്. എസ്സി/എസ്ടിക്ക് 5 വർഷവും ഒബിസിക്ക് 3 വർഷവുമാണ് ഇളവ്. അപേക്ഷകർ അംഗീകൃത ബോർഡില്‍ നിന്നോ സർവ്വകലാശാലയില്‍ നിന്നോ 12ാം ക്ലാസ് വിജയമോ തത്തുല്യമായതോ പൂർത്തിയാക്കിയിരിക്കണം. കൂടുതല്‍ വിവരങ്ങള്‍ക്ക് rectt.bsf.gov.in എന്ന വെബ്‌സൈറ്റ് സന്ദർശിക്കുക.
