സ്വന്തം ലേഖിക
തീക്കോയി: ഒഴിഞ്ഞു കിടന്ന ക്വാർട്ടേഴ്സിൽ കയറി ജന്നല്‍ പാളികളും, കതകുപാളികളും മോഷണം ചെയ്ത കേസിൽ ഒരാളെ പോലീസ് അറസ്റ്റ് ചെയ്തു.
തലനാട് മേസ്തിരിപ്പടി ഭാഗത്ത് ആലുംതറയിൽ വീട്ടിൽ രമേശ് (47) നെയാണ് ഈരാറ്റുപേട്ട പോലീസ് അറസ്റ്റ് ചെയ്തത്.
ഇയാള്‍ പന്ത്രണ്ടാം തീയതി രാത്രി തീക്കോയി റബേഴ്സ് (ഇന്ത്യ) ലിമിറ്റഡിന്റെ വോളിബോൾ കോർട്ടിനടുത്ത് ഒഴിഞ്ഞു കിടന്നിരുന്ന ക്വാർട്ടേഴ്സിനുള്ളിൽ കയറി ജനൽ പാളികളും കതകുപാളികളും മോഷ്ടിച്ചുകൊണ്ട് പോവുകയായിരുന്നു.
പരാതിയെ തുടർന്ന് ഈരാറ്റുപേട്ട പോലീസ് കേസ് രജിസ്റ്റർ ചെയ്യുകയും ശാസ്ത്രീയമായ പരിശോധനയിലൂടെ ഇയാളാണ് മോഷ്ടിച്ചതെന്ന് തിരിച്ചറിയുകയും പിടികൂടുകയുമായിരുന്നു. മോഷണ മുതൽ ഇയാളുടെ വീടിന് സമീപത്ത് നിന്നും പോലീസ് കണ്ടെടുത്തു.
ഈരാറ്റുപേട്ട സ്റ്റേഷൻ എസ്.എച്ച്.ഓ ബാബു സെബാസ്റ്റ്യൻ, എസ്.ഐ ഷാബുമോൻ ജോസഫ്, സി.പി.ഓ മാരായ കെ.ആർ ജിനു, അനീഷ് കെ.സി എന്നിവർ ചേർന്നാണ് ഇയാളെ അറസ്റ്റ് ചെയ്തത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
The post തീക്കോയിയിൽ ഒഴിഞ്ഞുകിടന്ന ക്വാർട്ടേഴ്സിൽ കയറി ജന്നല്‍ പാളികളും, കതകുപാളികളും മോഷ്ടിച്ചു; തലനാട് സ്വദേശി അറസ്റ്റിൽ appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
