സ്വന്തം ലേഖകൻ കൊച്ചി: എറണാകുളം ഞാറയ്ക്കലിൽ ഭാര്യാപിതാവിന്റെയും സഹോദരൻ്റെയും മർദനമേറ്റ് യുവാവ് മരിച്ചു. എളങ്കുന്നപ്പുഴ സ്വദേശി ബിബിൻ ബാബു (39) ആണ് കൊല്ലപ്പെട്ടത്.
സംഭവത്തിൽ മൂന്ന് പേരെ പോലീസ് കസ്റ്റഡിയിലെടുത്തു. കൊല്ലപ്പെട്ട
ബിബിൻ ബാബുവിന്റെ ഭാര്യ വിനി മോൾ, ഭാര്യ സഹോദരൻ വിഷ്ണു (28), ഭാര്യ പിതാവ് സതീശൻ (60) എന്നിവരെയാണ് ഞാറക്കൽ പോലീസ് കസ്റ്റഡിയിൽ എടുത്തത്. പ്രതികൾക്കെതിരേ കൊലപാതകക്കുറ്റം ചുമത്തിയിട്ടുണ്ട്.
ഭാര്യാപിതാവിന്റെയും സഹോദരന്റെയും മർദനമേറ്റാണ് യുവാവിന്റെ മരണം. തലയ്ക്ക് കമ്പി വടികൊണ്ട് അടിയേറ്റ് ഗുരുതരമായി പരുക്കേറ്റിരുന്നു.
ബിബിനുമായി വഴക്കിട്ട് ഒരാഴ്ചയായി എളങ്കുന്നപ്പുഴയിലുള്ള സ്വന്തം വീട്ടിലായിരുന്നു ഭാര്യ വിനിമോൾ. ഇന്ന് ഉച്ചയോടെ ബിബിൻ ഭാര്യ വീട്ടിൽ എത്തിയിരുന്നു.
തുടർന്ന് വിനിമോളുമായി വാക്കുതർക്കമായി. പിന്നാലെ ഭാര്യ വിനിമോൾ, സഹോദരൻ വിഷ്ണു, അച്ഛൻ സതീശൻ എന്നിവർ ചേർന്ന് ബിബിനെ മർദിക്കുകയായിരുന്നു.
കമ്പി വടി കൊണ്ട് തലക്കും ശരീര ഭാഗങ്ങളിലും മാരകമായി അടിയേറ്റ ബിബിനെ ആശുപത്രിയിൽ എത്തിച്ചെങ്കിലും മരിച്ചിരുന്നു. തലയ്ക്ക് ഗുരുതര പരുക്കേറ്റിരുന്നു.
The post കൊച്ചിയിൽ ഭാര്യാപിതാവിന്റേയും സഹോദരന്റെയും മർദ്ദനമേറ്റ് യുവാവ് മരിച്ച സംഭവം; ഭാര്യയുൾപ്പെടെ മൂന്നുപേർ അറസ്റ്റിൽ; തലയ്ക്ക് കമ്പി വടികൊണ്ടേറ്റ മർദ്ദനമാണ് മരണകാരണമെന്ന് പ്രാഥമികവിവരം appeared first on Third Eye News Live. source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
