സ്വന്തം ലേഖകൻ
കോട്ടയം: ചിങ്ങവനത്ത് തെരുവുനായ ആക്രമണത്തിൽ മൂന്നു വയസുകാരന് ഗുരുതര പരിക്ക്. പുത്തൻ തോട് പുതുവൽ ശ്രീജിത്ത്-ജെഫി ദമ്പതികലുടെ മകനായ സ്റ്റെഫിനാണ് തെരുവുനായയുടെ ആക്രമണത്തിൽ പരിക്കേറ്റത്.
തെരുവ് നായയുടെ ആക്രമണത്തിൽ കുട്ടിയുടെ
പല്ല് നഷ്ടമായി. തെരുനായ കൂടുതൽ ആക്രമണത്തിനു മുതിർന്നപ്പോൾ മാതാപിതാക്കൾ കണ്ടത് രക്ഷയായി. ഉടൻതന്നെ നായയെ ഓടിച്ച് വിട്ടതിന് ശേഷം കുട്ടിയെ കോട്ടയം മെഡിക്കൽ കോളേജിലെത്തിച്ചു.
മാലിന്യങ്ങൾ കുന്നുകൂടി കിടക്കുന്ന സ്ഥലത്ത് സ്ഥിരം തെരുവുനായ സാന്നിധ്യം ഉള്ളതായി കുട്ടിയുടെ പിതാവ് ശ്രീജിത്ത് പറഞ്ഞു. പല തവണ നഗരസഭാ അധികൃതരോട് പരാതിപ്പെട്ടതായും, എന്നാൽ അധികൃതർ കേട്ട ഭാവം കാണിച്ചില്ലന്നും ഇവർ പറഞ്ഞു.
പ്രദേശത്ത് വ്യാപകമായി മാലിന്യം തള്ളുന്നതായും ഇവിടെയെത്തുന്ന തെരുവ് നായ്ക്കളാണ് പ്രദേശത്ത് അലഞ്ഞ് തിരിഞ്ഞ് നടന്ന് ആക്രമണം നടത്തുന്നതെന്നും ശ്രീജിത്ത്
തേർഡ് ഐ ന്യൂസിനോട് പറഞ്ഞു.
പിഞ്ചു കുട്ടിയുടേതടക്കം ജീവന് ഭീഷണിയാകുന്ന രീതിയിൽ തെരുവുനായ ആക്രമണം ഉണ്ടായിട്ടും നഗരസഭാ അധികതർ മൗനത്തിലാണ്. സ്കൂൾ കുട്ടികൾക്കും പ്രായമായവർക്കും പ്രദേശത്തുകൂടി വഴിനടക്കാൻ കഴിയാത്ത അവസ്ഥയാണുള്ളത്.
The post കോട്ടയം ചിങ്ങവനത്ത് തെരുവുനായ ശല്യം രൂക്ഷം; വീടിന്റെ മുറ്റത്തുനിന്ന മൂന്നു വയസുകാരനെ തെരുവുനായ ആക്രമിച്ചു; നായയുടെ ആക്രമണത്തിൽ കുട്ടിയുടെ പല്ല് നഷ്ട്ടമായി; ഗുരുതരമായി പരിക്കേറ്റ കുട്ടിയെ മെഡിക്കൽ കോളേജിൽ പ്രവേശിപ്പിച്ചു; നാട്ടുകാർ പലതവണ പരാതി പറഞ്ഞിട്ടും കേട്ട ഭാവം കാണിക്കാതെ നഗരസഭ ! appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
