സ്വന്തം ലേഖകൻ
കോഴിക്കോട് : കോഴിക്കോട് നഗരത്തില്‍ നിന്ന് എംഡിഎംഎയുമായി മൂന്ന് പേര്‍ പിടിയില്‍. ഇവരില്‍ നിന്നും 22 ഗ്രാം എംഡിഎംഎയാണ് പിടികൂടിയത്.ഇവയ്ക്ക് ഒരു ലക്ഷം രൂപ വിലവരുമെന്നാണ് പൊലീസ് അറിയച്ചത്. കോഴിക്കോട് മെഡിക്കല്‍ കോളേജിന് സമീപത്തെ ലോഡ്ജില്‍ നിന്ന് മെഡിക്കല്‍ കോളേജ് പൊലീസാണ് ഇവരെ പിടികൂടിയത്.
അതേസമയം, കോഴിക്കോട് തന്നെ ചേവായൂരില്‍ ബംഗളൂരുവില്‍ നിന്ന് വൻതോതില്‍ എംഡിഎംഎ കേരളത്തില്‍ എത്തിച്ച്‌ വില്‍പ്പന നടത്തിയ സംഘത്തെയും കഴിഞ്ഞ ദിവസം അറസ്റ്റ് ചെയ്യതിരുന്നു. അങ്ങാടിപ്പുറം സ്വദേശി സദാം എന്ന് വിളിക്കുന്ന ആണിയൻ പറമ്ബില്‍ മുഹമദ് ഹുസൈൻ (30) മായനാട് സ്വദേശി തടോളി ഹൗസില്‍ രഞ്ജിത്ത്. ടി (31) എന്നിവരെയാണ് കോഴിക്കോട് നാര്‍ക്കോട്ടിക്ക് സെല്‍ അസിസ്റ്റന്റ് കമ്മീഷണര്‍ പ്രകാശൻ പടന്നയിലും ഡാൻസാഫ് ടീമും ചേര്‍ന്ന് പിടികൂടിയത്.
ജൂലൈ 15 ന് ചേവായൂര്‍ പൊലീസും ഡാൻസാഫ് പാര്‍ട്ടിയും ചേര്‍ന്ന് കോട്ടപ്പുറം സ്വദേശി കാര്യ പറമ്ബത്ത് വീട്ടില്‍ ഷിഹാബുദ്ധീനെ (46) 300 ഗ്രാം രാസ ലഹരിയുമായി പിടികൂടിയിരുന്നു. തുടര്‍ന്ന് വിശദമായ അന്വേഷണം നടത്തിയപ്പോള്‍ ബംഗളൂരുവില്‍ നിന്ന് കോഴിക്കോട്ടേക്ക് മയക്കുമരുന്ന് എത്തിച്ചത് രഞ്ജിത്ത് ആയിരുന്നുവെന്ന് കണ്ടെത്തി.
രഞ്ജിത്തിനെ മെഡിക്കല്‍ കോളേജ് പരിസരത്ത് വച്ച്‌ പൊലീസ് അറസ്റ്റ് ചെയ്തു. രഞ്ജിത്തിനെ കസ്റ്റഡിയില്‍ വാങ്ങി നടത്തിയ അന്വേഷണത്തില്‍ ബംഗളൂരുവില്‍ നിന്ന് മയക്കുമരുന്ന് എടുത്ത് കൊടുത്തത് മുഹമ്മദ് ഹുസൈനാണെന്ന് കണ്ടെത്തി. ഇതിന് പിന്നാലെ കഴിഞ്ഞ ദിവസം ഇയാളെ ബംഗളൂരുവില്‍ വച്ച്‌ പൊലീസ് പിടികൂടുകായയിരുന്നു.
The post 22 ഗ്രാം എംഡിഎംഎയുമായി മൂന്ന് പേര്‍ കോഴിക്കോട് പിടിയില്‍ appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
