തിരുവനന്തപുരം: സിപിഎമ്മിന്റെ പാര്‍ട്ടി നേതൃത്വം അറിയാതെ കണ്ണൂരില്‍ ഒരു കൊലപാതകവും നടക്കില്ലെന്ന് കെപിസിസി പ്രസിഡന്റ് കെ. സുധാകരന്‍.
ആകാശ് തില്ലങ്കേരിയാണ് ഷുഹൈബിനെ കൊന്നതെന്ന് തുടക്കം മുതല്‍ തങ്ങള്‍ പറയുന്നുണ്ടെന്നും പാര്‍ട്ടിയുടെ അറിവോടെയാണ് കൊലപാതകം നടന്നതെന്നും കെ.സുധാകരന്‍ പറഞ്ഞു. സിപിഎമ്മിന്റെ പാര്‍ട്ടി നേതൃത്വം അറിയാതെ കണ്ണൂരില്‍ ഒരു കൊലപാതകവും നടക്കില്ലെന്നും ആകാശ് തില്ലങ്കേരി ഇപ്പോള്‍ ഇങ്ങനെ പറഞ്ഞതില്‍ വളരെ സന്തോഷമുണ്ട്.
സിബിഐ അന്വേഷണത്തെ എതിര്‍ക്കാന്‍ രണ്ടു കോടി ചെലവിട്ടത് പിണറായി വിജയന്റെ ക്രൂരതയുടെ ആഴം വ്യക്തമാക്കുന്നുണ്ടെന്നും കെ. സുധാകരന്‍ പറഞ്ഞു.
ഷുഹൈബ് വധക്കേസ് സിബിഐ അന്വേഷിക്കണമെന്ന് പ്രതിപക്ഷ നേതാവ് ആവശ്യപ്പെട്ടു. ആകാശ് തില്ലങ്കേരിയുടേയും സ്വപ്നയുടെയും വെളിപ്പെടുത്തല്‍ പാര്‍ട്ടിയെ ബാധിച്ചിരിക്കുന്ന ജീര്‍ണതയുടെ തെളിവാണെന്നും ഷുഹൈബ് വധക്കേസ് സിബിഐ അന്വേഷിക്കുന്നതിനെ സിപിഎം എതിര്‍ക്കുന്നത് എന്തുകൊണ്ടാണെന്ന് വ്യക്തമായെന്നും അദ്ദേഹം പറഞ്ഞു.
The post സിപിഎമ്മിന്റെ പാര്‍ട്ടി നേതൃത്വം അറിയാതെ കണ്ണൂരില്‍ ഒരു കൊലപാതകവും നടക്കില്ല: കെപിസിസി പ്രസിഡന്റ് appeared first on Navakerala News. source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
