ന്യൂഡല്‍ഹി: കോണ്‍ഗ്രസ് പ്രവര്‍ത്തക സമിതിയില്‍ തെരഞ്ഞെടുപ്പ് ഒഴിവാക്കാന്‍ നേതൃത്വം നീക്കം നടത്തുന്നതായി സൂചന. നോമിനേഷനിലൂടെ അംഗങ്ങളെ തെരഞ്ഞെടുത്താല്‍ മതിയെന്നാണ് അഭിപ്രായം.
ഇക്കാര്യത്തില്‍ അന്തിമ തീരുമാനം ഫെബ്രുവരി 24 ന് അദ്ധ്യക്ഷന്‍ മല്ലികാര്‍ജുന്‍ ഖാര്‍ഗെയുടെ അദ്ധ്യക്ഷതയില്‍ ചേരുന്ന യോഗത്തിലുണ്ടാവും. പ്ലീനറി സമ്മേളനം നടക്കാനിരിക്കെ പ്രവര്‍ത്തക സമിതിയില്‍ ദളിത് പ്രാതിനിധ്യം ഉറപ്പാക്കണമെന്ന ആവശ്യവുമായി കൊടിക്കുന്നില്‍ സുരേഷ് എംപി രംഗത്തെത്തി.
ദളിത് വിഭാഗത്തില്‍ നിന്നും കോണ്‍ഗ്രസ് പ്രവര്‍ത്തക സമിതിയിലെത്താന്‍ യോഗ്യരായവര്‍ കേരളത്തിലുണ്ടെന്നും ഇതുവരെ ഉയര്‍ന്ന പദവിയിലേക്ക് ദളിത് വിഭാഗത്തെ പരിഗണിച്ചിട്ടില്ലെന്നുമാണ് കൊടിക്കുന്നില്‍ സുരേഷ് എംപി പറഞ്ഞത്. തനിക്ക് ഇതുവരെ പദവികള്‍ ലഭിച്ചത് പ്രവര്‍ത്തനത്തിന്റെ അടിസ്ഥാനത്തിലാണ്.
കേരളത്തിലാണ് ജനിച്ചതെന്ന പോരായ്മയുണ്ട്. എന്നെപോലുള്ളവരെ മാറ്റി നിര്‍ത്തപ്പെടുന്നു.
മറ്റേതെങ്കിലും സംസ്ഥാനത്തായിരുന്നുവെങ്കില്‍ ഈ പദവികളൊക്കെ എളുപ്പത്തില്‍ ലഭിക്കുമായിരുന്നുവെന്നും കൊടികുന്നില്‍ അതൃപ്തി പരസ്യമാക്കി രംഗത്തെത്തിയിരുന്നു. The post കോണ്‍ഗ്രസ് പ്രവര്‍ത്തക സമിതിയില്‍ തെരഞ്ഞെടുപ്പ് ഒഴിവാക്കിയേക്കും appeared first on Navakerala News.
source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
