തിരുവനന്തപുരം: തിരുവനന്തപുരത്ത് പാലില്‍ വിഷാംശം കണ്ടെത്തി. രാസവസ്തുവായ അഫ്‌ളാടോക്‌സിനാണ് ഭക്ഷ്യസുരക്ഷാ വകുപ്പിന്റെ പരിശോധനയില്‍ കണ്ടെത്തിയത്.
പശുവിന് നല്‍കുന്ന തീറ്റയിലൂടെയാണ് ഇവ പാലിലെത്തുന്നതെന്നാണ് പ്രാഥമിക നിഗമനം. പാലിന്റെ ഗുണനിലവാരം വര്‍ധിപ്പിക്കുന്നത് സംബന്ധിച്ച് വ്യാപകമായ ബോധവത്കരണത്തിന്റെ കുറവുണ്ടെന്നും ഭക്ഷ്യ സുരക്ഷാ വകുപ്പ് വിലയിരുത്തുന്നു.
ഇക്കാര്യത്തില്‍ മൃഗസംരക്ഷണ വകുപ്പുമായി ചേര്‍ന്ന് ക്യാംപെയ്ന്‍ നടത്താനാണ് ഭക്ഷ്യസുരക്ഷാ വകുപ്പിന്റെ തീരുമാനം. വന്‍കിട
പാല്‍ കച്ചവടക്കാര്‍, ചില്ലറ വ്യാപാരികള്‍, ഡയറി ഫാമുകള്‍, പാല്‍ കച്ചവടക്കാര്‍ തുടങ്ങി എല്ലാ മേഖലകളിലും പരിശോധനയും കര്‍ശനമാക്കും. സംസ്ഥാനത്ത് വ്യാപകമായി ഭക്ഷ്യവിഷബാധയുണ്ടാകുന്ന സാഹചര്യത്തില്‍ ചെക്ക് പോസ്റ്റുകളിലുള്‍പ്പടെ ഭക്ഷ്യസുരക്ഷാ വകുപ്പ് പരിശോധന നടത്തിയിരുന്നു.
ഈ പരിശോധനയിലാണ് പാലില്‍ രാസവസ്തു കണ്ടെത്തിയത്. 10 ശതമാനം സാമ്പിളുകളില്‍ നിലവില്‍ അഫ്ളാടോക്സിന്‍ കണ്ടെത്തിയിട്ടുണ്ട്.
The post തിരുവനന്തപുരത്ത് പാലില്‍ വിഷാംശം കണ്ടെത്തി appeared first on Navakerala News. source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
