സ്വന്തം ലേഖിക ഗാന്ധിനഗര്‍: കോട്ടയം മെഡിക്കല്‍ കോളജ് ആശുപത്രിയില്‍ നിര്‍മിച്ചുകൊണ്ടിരുന്ന കെട്ടിടത്തിനു തീപിടിച്ചതിനെത്തുടര്‍ന്ന് ഇനി ഉപയോഗിക്കാന്‍ കഴിയുമോയെന്നു വിദഗ്ധ പരിശോധന നടത്താതെ പുനര്‍നിര്‍മാണം ആരംഭിച്ചതില്‍ ആക്ഷേപമുയര്‍ന്നു. മെഡിക്കല്‍ കോളജ് ആശുപത്രിയുടെ ജനറല്‍ സര്‍ജറി വിഭാഗം വാര്‍ഡിനായാണു കെട്ടിടം നിര്‍മിച്ചുകൊണ്ടിരുന്നത്.
അഗ്‌നിബാധയെ തുടര്‍ന്നു പല നിലകളുടെയും ബീമിന്‍റെ സിമന്‍റ് ഇളകിപ്പോയശേഷം കമ്പി പുറത്തേക്കു തള്ളിനില്‍ക്കുന്നത് കാണുവാന്‍ കഴിയും.
ഈ വിധത്തില്‍ കേട് സംഭവിച്ച കെട്ടിടം വിദഗ്ധരെത്തി പരിശോധന നടത്താതെ പുനര്‍നിര്‍മാണം ആരംഭിച്ചതില്‍ ദുരൂഹതയുണ്ടെന്ന് ആക്ഷേപമുയര്‍ന്നിട്ടുണ്ട്. തിങ്കളാഴ്ച അഗ്‌നിബാധയുണ്ടായ സ്ഥലം വൃത്തിയാക്കിയശേഷം ഇന്നലെയാണ് ഫോറന്‍സിക് വിദഗ്ധരെ കൊണ്ടുവന്നു പരിശോധന നടത്തിയത്.
അപകടം കഴിഞ്ഞു മൂന്നാംദിവസം പരിശോധനയ്ക്ക് ഉദ്യോഗസ്ഥരെ കൊണ്ടുവന്നതിലും പൊതുമരാമത്ത് വകുപ്പിന് അതൃപ്തിയുണ്ട്. The post മെഡിക്കല്‍ കോളജിലെ തീപിടുത്തം; വിദഗ്ധ പരിശോധന നടത്താതെ പുനര്‍നിര്‍മാണം ആരംഭിച്ചതില്‍ വൻ പ്രതിഷേധം; അപകടം കഴിഞ്ഞു മൂന്നാം ദിവസം പരിശോധനയ്ക്ക് ഉദ്യോഗസ്ഥരെ കൊണ്ടുവന്നതിലും അതൃപ്തി appeared first on Third Eye News Live.
source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
