തിരുവനന്തപുരം: ഗൂഗിള്‍ മാപ്പ് നോക്കിയാല്‍ ഇനി കെഎസ്ആര്‍ടിസി ബസ് എപ്പോള്‍ വരും എന്നറിയാം. കെഎസ്ആര്‍ടിസ് ബസ് സര്‍വീസുകളുടെ റൂട്ടും സമയവുമാണ് ഗൂഗിള്‍ മാപ്പില്‍ ഉള്‍പ്പെടുത്തുന്നത്. പരീക്ഷണാടിസ്ഥാനത്തില്‍ തിരുവനന്തപുരം നഗരത്തിലെ സിറ്റി സര്‍ക്കുലര്‍ സര്‍വീസുകളുടെ വിവരങ്ങള്‍ ഉള്‍പ്പെടുത്തി. ഗൂഗിള്‍ മാപ്പില്‍ പബ്ലിക് ട്രാന്‍സ്‌പോര്‍ട്ടിലാണ് ഇത് ലഭ്യമാകുക.
പോകേണ്ട സ്ഥലം നല്‍കിയാല്‍ പെട്ടെന്ന് വിവരങ്ങള്‍ ലഭിക്കും. സിറ്റി സര്‍ക്കുലര്‍ സര്‍വീസുകളുടെ വിവരം പൂര്‍ണമായും ഉള്‍പ്പെടുത്തിയ ശേഷമാകും ദീര്‍ഘദൂര സ്വിഫ്റ്റ് സര്‍വീസുകളുടെ വിവരങ്ങളും എത്തുക. പിന്നീട് മുഴുവന്‍ കെഎസ്ആര്‍ടിസ് ബസുകളുടേയും റൂട്ട് ഗൂഗിള്‍ മാപ്പില്‍ എത്തിക്കാനാണ് തീരുമാനം.
തിരുവനന്തപുരം സിറ്റി സര്‍ക്കുലര്‍ സര്‍വീസുകള്‍ മജന്ത, യെല്ലോ, ഗ്രീന്‍, ഓറഞ്ച്, റെഡ് തുടങ്ങിയ നിറങ്ങളിലാണ് ക്രമീകരിച്ചിരിക്കുന്നത്. ബസ്സുകളിലെ ജിപിഎസ് പ്രവര്‍ത്തന സജ്ജമാകുന്നതോടെ ബസ് എവിടെയെത്തിയെന്നും മാപ്പില്‍ ലഭ്യമാകുമെന്നും സിഎംഡിയും ഗതാഗത സെക്രട്ടറിയുമായ ബിജു പ്രഭാകര്‍ പറഞ്ഞു. സ്വിഫ്റ്റിലും ഇത് നടപ്പാകുന്നതോടെ ബസ് എവിടെയെത്തിയെന്ന് മനസിലാക്കി കൃത്യസമയത്ത് ബസ് സ്റ്റോപ്പില്‍ എത്താനാവും.
The post ഗൂഗിള്‍ മാപ്പില്‍ നോക്കി കെഎസ്ആര്‍ടിസി ബസ് ഇനി എവിടെ എത്തിയെന്നറിയാം appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
