കോട്ടയം: കോട്ടയം പാമ്പാടിയില്‍ പ്രതിയുടെ ആക്രമണത്തില്‍ പോലീസുകാരന് പരിക്ക്. പാമ്പാടി പോലീസ് സ്റ്റേഷനിലെ ജിബിന്‍ ലോബോക്കാണ് പരിക്കേറ്റത്. പാമ്പാടി നെടുങ്കുഴി സ്വദേശി സാം ആണ് ആക്രമിച്ചത്. സാമിന്റെ ഭാര്യയുടെ പരാതി അന്വേഷിക്കാന്‍ എത്തിയപ്പോഴായിരുന്നു ആക്രമണം. ഇന്നലെ രാത്രി 10.30 ഓടെയാണ് സാമിന്റെ വീട്ടിലേക്ക് പോലീസ് സംഘമെത്തിയത്. സാം മര്‍ദിക്കുന്നു എന്ന ഭാര്യയുടെ പരാതി അന്വേഷിക്കാനാണ് പോലീസ് സംഘം എത്തിയത്.
പോലീസ് എത്തുമ്പോള്‍ സാമിന്റെ ഭാര്യ മുറിയില്‍ പൂട്ടിയിട്ട നിലയിലായിരുന്നു. പോലീസ് കതക് തുറക്കാന്‍ ശ്രമിക്കുന്നതിനിടെയാണ് പോലീസിന് നേരെ പ്രതിയുടെ ആക്രമണമുണ്ടായത്. ജിബിന്റെ തലക്കാണ് പരിക്കേറ്റത്. ജിബിന്‍ കോട്ടയം മെഡിക്കല്‍ കോളേജില്‍ ചികിത്സയിലാണിപ്പോള്‍. ആക്രമണത്തിന് ശേഷം പ്രതി ഓടി രക്ഷപ്പെട്ടു. പ്രതിക്കായുള്ള തിരച്ചില്‍ പോലീസ് തുടരുകയാണ്.
The post കോട്ടയത്ത് പ്രതിയുടെ ആക്രമണത്തില്‍ പോലീസുകാരന് പരിക്ക് appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
