കോട്ടയം: മുണ്ടക്കയം കൂട്ടിക്കല്‍ പഞ്ചായത്തിന് മുമ്പില്‍ യുവതി ജീവനൊടുക്കാന്‍ ശ്രമിച്ചു. കൊടുങ്ങ സ്വദേശിനിയായ റോസമ്മ സാമുവല്‍ എന്ന യുവതിയാണ് ജീവനൊടുക്കാന്‍ ശ്രമിച്ചത്. പാറമട കാരണം ജീവിക്കാനാകുന്നില്ലന്ന് പറഞ്ഞാണ് മണ്ണെണ്ണ ഒഴിച്ച് തീകൊളുത്താന്‍ ശ്രമിച്ചത്. ബോധരഹിതയായ യുവതിയെ ആശുപത്രിയിലേയ്ക്ക് മാറ്റി. പാറമടക്കെതിരെ പരാതി നല്‍കിയിട്ടും നടപടി ഉണ്ടായില്ലെന്നും ഇവര്‍ ആരോപിച്ചു. കൊടുങ്ങയിലുള്ള ഒരു പാറമടക്ക് സമീപമാണ് ഇവരുടെ വീട്. പാറമട കാരണം ജീവിക്കാന്‍ കഴിയാത്ത അവസ്ഥയാണ്. മാത്രമല്ല, ക്വാറിയോട് ചേര്‍ന്ന സ്ഥലമായതിനാല്‍ തന്നെ മറ്റാരും ഇത് വാങ്ങാനും തയ്യാറാകുന്നില്ല.
അതിനാല്‍ ഈ സ്ഥലവും വീടും വിറ്റുതരണമെന്ന് പറഞ്ഞ് കഴിഞ്ഞ ദിവസം ഇവര്‍ പഞ്ചായത്ത് ഓഫീസില്‍ പരാതി നല്‍കിയിരുന്നു. ആ പരാതിയിന്‍മോല്‍ നടപടിയെടുക്കാമെന്ന് പഞ്ചായത്ത് ഉറപ്പ് നല്‍കുകയും ചെയ്തിരുന്നു. എന്നാല്‍ അവിടെ താമസിക്കാന്‍ സാധിക്കാത്ത അവസ്ഥയാണെന്ന് പറഞ്ഞ് വാര്‍ഡ് മെമ്പറെ വന്ന് കാണുകയും പിന്നീട് പഞ്ചായത്തിന് മുന്നില്‍ വെച്ച് ജീവനൊടുക്കാന്‍ ശ്രമിക്കുകയുമായിരുന്നു.
The post ‘പാറമട കാരണം ജീവിക്കാന്‍ സാധിക്കുന്നില്ല’; പഞ്ചായത്തിന് മുമ്പില്‍ യുവതി ജീവനൊടുക്കാന്‍ ശ്രമിച്ചു appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
