പ്രണവ് മോഹന്‍ലാലിന്റെ ഒരു പുതിയ ചിത്രത്തിന്റെ പ്രഖ്യാപനം ഈ വര്‍ഷം ഉണ്ടാകുമെന്ന് നിര്‍മ്മാതാവ് വിശാഖ് സുബ്രമണ്യം. പ്രണവ് ടൂര്‍ ഒക്കെ കഴിഞ്ഞ് എത്തിയെന്നും കഥകള്‍ കേള്‍ക്കാന്‍ ഇരിക്കുമെന്നും അദ്ദേഹം പറഞ്ഞു. ഒരു ഓണ്‍ലൈന്‍ മാധ്യമത്തിന് നല്‍കിയ അഭിമുഖത്തിലാണ് വിശാഖ് ഇക്കാര്യങ്ങള്‍ പറഞ്ഞത്. ‘ധ്യാന്‍ സംവിധാനം ചെയ്യാന്‍ പോകുന്ന ചിത്രത്തിന്റെ കഥ ഞങ്ങള്‍ക്ക് എല്ലാവര്‍ക്കും ഇഷ്ടപ്പെട്ടു.
ഈ വര്‍ഷം ഒരു ചിത്രം ചെയ്യാനാണ് പദ്ധതി. മെറിലാന്റ്, ഫണ്‍സ്റ്റാറ്റിക് എന്നീ ബാനറുകളുടെ കീഴില്‍ ആയിരിക്കും ചിത്രം പ്രഖ്യാപിക്കുക. എന്നാല്‍ തിരക്കിട്ട് ഇവയുണ്ടാകില്ല. ഇവയുടെ സ്‌ക്രിപ്റ്റ് ജോലികള്‍ പുരോഗമിക്കുകയാണ്. പ്രഖ്യാപനത്തിന് മൂന്ന് മാസമെങ്കിലും എടുക്കും. ഈ വര്‍ഷം പകുതിയാകുമ്പോള്‍ പ്രഖ്യാപനം ഉണ്ടാകും. വിനീത് ശ്രീനിവാസനുമായി ചേര്‍ന്നുള്ള പ്രൊജക്ടുകള്‍ ഇനിയും ഉണ്ടാകാം. അദ്ദേഹം ഇപ്പോള്‍ അഭിനയിക്കുന്ന തിരക്കിലാണ്.
അത് കഴിഞ്ഞാല്‍ മാത്രമേ പുതിയ ചിത്രത്തെക്കുറിച്ച് ആലോചിക്കൂ. അത് കഴിഞ്ഞ് ഒത്തുവന്നാല്‍ സിനിമ നടക്കും. പ്രണവ് ടൂറൊക്കെ കഴിഞ്ഞ് വന്നതേയുള്ളൂ. അടുത്തമാസം മുതല്‍ അവന്‍ കഥയൊക്കെ കേട്ട് തുടങ്ങും. പ്രണവിന്റെ ഒരു സിനിമയുടെ പ്രഖ്യാപനവും ഈ വര്‍ഷം ഉണ്ടാകാന്‍ സാധ്യതയുണ്ട്’. വിശാഖ് പറഞ്ഞു.
The post ‘ടൂര്‍ ഒക്കെ കഴിഞ്ഞ് പ്രണവ് എത്തി ഇനി കഥകള്‍ കേള്‍ക്കും’ appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
