സ്വന്തം ലേഖകൻ
കോഴിക്കോട് : കോഴിക്കോട് കൊയിലാണ്ടിയില്‍ കത്തിക്കരിഞ്ഞ നിലയില്‍ കണ്ടെത്തിയ മൃതദേഹം തിരിച്ചറിഞ്ഞു. മരിച്ചത് എറണാകുളം വൈപ്പിൻ സ്വദേശി രാജീവൻ. പെയിന്റിങ് തൊഴിലാളിയായ രാജീവന്റെ മൃതദേഹം ഭാര്യ തിരിച്ചറിഞ്ഞു.
ഇയാളെ ഒരാഴ്ചയായി കാണാനില്ലായിരുന്നു. ഇന്ന് രാവിലെ ആയിരുന്നു കത്തിക്കരിഞ്ഞ നിലയിൽ കാലും അരയ്ക്ക് മുകളിലേക്കുമുള്ള ഭാഗം നാട്ടുകാർ കണ്ടെത്തിയത്. തുടർന്ന് വിവരം പൊലീസിനെ അറിയിച്ചു. പൊലീസ് നടത്തിയ അന്വേഷണത്തിലാണ് രണ്ടാമത്തെ കാലും കിട്ടിയത്.
പുല്ലുകള്‍ നിറഞ്ഞ വയലില്‍ ഇറങ്ങാന്‍ കഴിയാത്ത സാഹചര്യത്തില്‍ ഡ്രോണ്‍ ഉപയോഗിച്ച്‌ തിരച്ചില്‍ നടത്തുകയായിരുന്നു. സ്ഥലത്ത് പൊലീസ് നായയും ഫോറന്‍സിക് വിദഗ്ധരും എത്തി തെളിവുകള്‍ ശേഖരിച്ചു. രാവിലെ കാല്‍ കണ്ടെത്തിയ സ്ഥലത്തു നിന്നും ചെരുപ്പും വസ്ത്രങ്ങളും കണ്ടെടുത്തിരുന്നു.
കൊലപാതകം ആണോ എന്ന് ഇപ്പോൾ പറയാൻ സാധിക്കില്ലെന്ന് സിറ്റി പോലീസ് കമ്മീഷണർ അജിത് കുമാർ അറിയിച്ചു. വിശദമായ അന്വേഷണം നടത്തുമെന്നും അദ്ദേഹം മാധ്യമങ്ങളെ അറിയിച്ചു.
The post കൊയിലാണ്ടിയിൽ കത്തിക്കരിഞ്ഞ നിലയിൽ കണ്ടെത്തിയ മൃതദേഹം തിരിച്ചറിഞ്ഞു; മരിച്ചത് പെയിന്റിങ് തൊഴിലാളി രാജീവൻ appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
