കായംകുളം: കായംകുളം ഇലക്ട്രിക് കടയില്‍ നിന്നും അഞ്ച് ലക്ഷം രൂപയുടെ സാധനങ്ങള്‍ മോഷ്ടിച്ച കേസിലെ പ്രതികള്‍ പിടിയില്‍. കേബിളുകളും ക്യാമറകളും മോഷ്ടിച്ച കേസില്‍ അഞ്ച് ഇതരസംസ്ഥാന തൊഴിലാളികളാണ് പിടിയിലായത്. കൊല്‍ക്കത്ത സ്വദേശിയായ സസിം ഖാന്‍, ഡല്‍ഹി സ്വദേശികളായ മുഹമ്മദ് ഹാരിഫ്, ഇമ്രാന്‍ ഖാന്‍, വെസ്റ്റ് ബംഗാള്‍ സ്വദേശിയായ ടിങ്കു, ബെംഗളൂരു സ്വദേശിയായ അം ജാന്‍ എന്നിവരാണ് പിടിയിലായത്.
കായംകുളത്തെ ജെആര്‍കെ ഇലക്ട്രിക്കല്‍ എന്ന സ്ഥാപനത്തിന്റെ ഗോഡൗണിലായിരുന്നു മോഷണം നടന്നത്. ഫെബ്രുവരി എട്ടിന് പുലര്‍ച്ചെ രണ്ടുമണിക്കായിരുന്നു സംഭവം. പ്രതികളെ കായംകുളം പോലീസാണ് പിടികൂടിയത്. കേസിലെ ഒന്നാം പ്രതിയാണ് കൊല്‍ക്കത്ത സ്വദേശി സസിം ഖാന്‍. ഇയാള്‍.
ആക്രി പെറുക്കാനായി എത്തിയപ്പോളാണ് കടയുടെ ഗോഡൗണ്‍ തുറന്ന് കിടക്കുന്നത് ശ്രദ്ധയില്‍പ്പെട്ടത്. ഇത് കണ്ട സസിം മറ്റ് പ്രതികളുമായി സ്ഥലത്തെത്തി സാധനങ്ങള്‍ മോഷ്ടിക്കുകയായിരുന്നു. പിന്നീട് ഇവ ആദിക്കാട്ട് കുളങ്ങരയിലുള്ള ഒരാളിന് വിറ്റു. മോഷ്ടിച്ച കേബിളിലെ ചെമ്പ് കമ്പികള്‍ കഷ്ണങ്ങളാക്കി മുറിച്ചുമാറ്റിയാണ് വില്‍പ്പന നടത്തിയത്. കായംകുളം ഡിവൈഎസ്പി അജയനാഥന്റെ നേതൃത്വത്തിലുളള സംഘമാണ് പ്രതികളെ പിടികൂടിയത്.
The post ഇലക്ട്രിക് ഗോഡൗണിലെ മോഷണം; ഇതര സംസ്ഥാന തൊഴിലാളികള്‍ പിടിയില്‍ appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
