താമരശേരി: താമരശ്ശേരിയിൽ ഒരേ കെട്ടിടത്തിൽ രണ്ട് സ്ഥാപനങ്ങളിൽ മോഷണ പരമ്പര.താമരശ്ശേരി താലൂക്ക് ആശുപത്രിക്ക് മുൻവശം പ്രവർത്തിക്കുന്ന ലാവണ്യയിൽ ഇ പ്ലാസ, മൈക്രോ ഹെൽത്ത് ലാബ് എന്നീസ്ഥാപനങ്ങളിലാണ് മോഷണം നടന്നത്. ലാവണ്യയുടെ മുൻഭാഗത്തെ ഗ്ലാസ് തകർത്താണ് മോഷ്ടാവ് അകത്തു കയറിയത്. . കെട്ടിടത്തിന് താഴെ നിലയിലെ ഗോഡൗണിൻ്റെ ഗേറ്റിൻ്റെ പുട്ട് പൊളിച്ച് അകത്തു കടന്ന് ജനറേറ്റർ
തുറക്കുകയും, പാനൽ ബോർഡിലെ ഫീസുകൾ ഊരുകയും ചെയ്ത ശേഷമാണ് ഗ്ലാസ് തകർത്തത്.
ഇതേ കെട്ടിടത്തിൽ പ്രവർത്തിക്കുന്ന മൈക്രോ ഹെൽത്ത് ലാഭിന്റെ വാതിലിന്റെ പൂട്ട് തകർത്ത് അകത്ത് കടന്നാണ് മോഷണം നടത്തിയത്.സ്ഥാപനത്തിന്റെ സി.സി ടിവി ബന്ധം മുറിച്ചു മാറ്റിയ നിലയിലാണ്.പോലിസ് സ്ഥലത്ത് എത്തി പ്രാഥമിക പരിശോധന നടത്തി, വിരലടയാള വിദഗ്ധരും ഡോഗ് സ്ക്വാഡും എത്തിയ ശേഷം കൂടുതൽ അന്വേഷണം നടത്തും.
