കൊല്‍ക്കത്ത: ഈഡന്‍ ഗാര്‍ഡന്‍സില്‍ കൊല്‍ക്കത്തയ്ക്കെതിരായ ഒന്‍പതു വിക്കറ്റിന്റെ ആധികാരിക ജയത്തിനു പിന്നാലെ സ്റ്റാര്‍ ബാറ്റര്‍ ജോസ് ബട്ലര്‍ക്കു പിഴ. ഐപിഎല്‍ പെരുമാറ്റച്ചട്ടം ലംഘിച്ചതിനാണ് മാച്ച് ഫീയുടെ പത്തു ശതമാനം പിഴ ചുമത്തിയത്.
ഐപിഎല്‍ വാര്‍ത്താകുറിപ്പിലൂടെയാണ് ഇക്കാര്യം അറിയിച്ചത്. അതേസമയം, എന്തു കാരണത്തിനാണ് പിഴ ചുമത്തിയിരിക്കുന്നതെന്ന കാര്യം വ്യക്തമല്ല.
ഐപിഎല്‍ പെരുമാറ്റച്ചട്ടത്തിലെ 2.2 വകുപ്പുപ്രകാരമാണ് ബട്ലര്‍ കുറ്റം ചെയ്തതായി കണ്ടെത്തിയതെന്ന് ഐപിഎല്‍ വാര്‍ത്താകുറിപ്പില്‍ ചൂണ്ടിക്കാട്ടി. മാച്ച് റഫറിയുടെ തീരുമാനമാണ് ഇക്കാര്യത്തില്‍ അന്തിമമെന്നും ഐപിഎല്‍ അറിയിച്ചു.
അതേസമയം, മത്സരത്തില്‍ റണ്ണൗട്ടിനെ തുടര്‍ന്നുള്ള ബട്ലറുടെ പ്രതികരണമാണ് പിഴയ്ക്കിടയാക്കിയതെന്നാണ് സൂചന. രണ്ടാം ഓവറില്‍ ബട്ലര്‍ ക്രീസിലിരിക്കെ യശസ്വി ജയ്സ്വാള്‍ അനാവശ്യ റണ്ണിനാടി ഓടിയതാണ് റണ്ണൗട്ടില്‍ കലാശിച്ചത്.
ആദ്യ ഓവറില്‍ 26 റണ്‍സ് അടിച്ച് മികച്ച ഫോമിലിരിക്കെ ബട്ലര്‍ സ്വന്തം വിക്കറ്റ് ബലിനല്‍കി മടങ്ങുകയായിരുന്നു.മത്സരത്തില്‍ 98 റണ്‍സുമായി ജയ്സ്വാള്‍ രാജസ്ഥാനെ ജയത്തിലേക്ക് നയിക്കുകയും ചെയ്തു. ജയ്സ്വാളും സഞ്ജു സാംസണിന്റെയും വെടിക്കെട്ട് ബാറ്റിങ്ങില്‍ 41 പന്ത് ബാക്കിനില്‍ക്കെയായിരുന്നു രാജസ്ഥാന്റെ ഒന്‍പതു വിക്കറ്റ് വിജയം.
The post ഐപിഎല്‍; രാജസ്ഥാന്‍ ബാറ്റ്‌സ്മാന്‍ ജോസ് ബട്ലര്‍ക്ക് പിഴ appeared first on Navakerala News. source FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
