ഇംഫാല്‍: ബിജെപി ഭരിക്കുന്ന മണിപ്പൂരില്‍ മൂന്ന് ക്രിസ്ത്യന്‍ പള്ളികള്‍ പൊളിച്ചുമാറ്റി ഭരണകൂടം. ഈസ്റ്റ് ഇംഫാല്‍ ജില്ലയിലെ മൂന്ന് ചര്‍ച്ചുകളാണ് അധികൃതര്‍ ചൊവ്വാഴ്ച പൊളിച്ചത്. അനധികൃത നിര്‍മാണമെന്നാരോപിച്ചാണ് നടപടി. സര്‍ക്കാര്‍ ഭൂമിയിലാണ് പള്ളികള്‍ നിര്‍മിച്ചതെന്ന് ജില്ലാ ഭരണകൂടം അരോപിക്കുന്നു. ഇവാഞ്ചലിക്കല്‍ ബാപ്റ്റിസ്റ്റ് കണ്‍വെന്‍ഷന്‍ ചര്‍ച്ച്, ഇവാഞ്ചലിക്കല്‍ ലൂഥെറന്‍ ചര്‍ച്ച്, കാത്തലിക് ഹോളി സ്പിരിറ്റ് ചര്‍ച്ച് എന്നിവയാണ് തകര്‍ത്തത്.
സംസ്ഥാനത്ത് ബിജെപി സര്‍ക്കാര്‍ നടത്തിയ കുടിയൊഴിപ്പിക്കല്‍ നടപടിയുടെ ഉത്തരവിന്മേലുള്ള തല്‍സ്ഥിതി ഉത്തരവ് മണിപ്പൂര്‍ ഹൈക്കോടതി റദ്ദാക്കിയതിന് ദിവസങ്ങള്‍ക്ക് ശേഷമാണ് പള്ളികള്‍ തകര്‍ത്തത്. ജില്ലാ ഭരണകൂടത്തിന്റെ അനുമതിയോ അംഗീകാരമോ ഇല്ലാതെ സര്‍ക്കാര്‍ ഭൂമിയില്‍ നിര്‍മിച്ചിരുന്നതിനാലാണ് ചര്‍ച്ചുകള്‍ പൊളിച്ചുനീക്കിയത് എന്ന് അധികൃതര്‍ പറയുന്നു.
The post മണിപ്പൂരില്‍ ക്രിസ്ത്യന്‍ പള്ളികള്‍ പൊളിച്ച് ബിജെപി സര്‍ക്കാര്‍ appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
