ഭുവനേശ്വര്‍: ആദ്യ മത്സരത്തില്‍ തകര്‍പ്പന്‍ ജയം നേടിയതിന്റെ ആത്മവിശ്വാസത്തില്‍ സന്തോഷ് ട്രോഫിയിലെ രണ്ടാം പോരിനിറങ്ങിയ നിലവിലെ ചാമ്പ്യന്‍മാരായ കേരളത്തിന് തോല്‍വി. കര്‍ണാടകയാണ് കേരളത്തെ വീഴ്ത്തിയത്. മറുപടിയില്ലാത്ത ഒറ്റ ഗോളിനാണ് കേരളത്തിന്റെ ഞെട്ടിക്കുന്ന തോല്‍വി. കളി തുടങ്ങി 20-ാം മിനിറ്റില്‍ തന്നെ കര്‍ണാടക ഗോളടിച്ചു. ഈ ഗോള്‍ പ്രതിരോധിക്കാന്‍ അവര്‍ക്ക് സാധിക്കുകയും ചെയ്തു. ഇതോടെ കേരളത്തിന്റെ ഗോളടിക്കാനുള്ള ശ്രമങ്ങളെല്ലാം പരാജയപ്പെട്ടു.
വലതു വിങ്ങില്‍ നിന്ന് വന്ന ക്രോസ് മികച്ച ഫസ്റ്റ് ടച്ചിലൂടെ നിയന്ത്രിച്ച ശേഷമാണ് പവാര്‍ വല ചലിപ്പിച്ചത്. ഗോള്‍ നേടിയ ശേഷവും കര്‍ണാടക മികച്ച അവസരങ്ങള്‍ തുറന്നെടുത്തു. കേരളം സമനിലയ്ക്കായി കിണഞ്ഞു ശ്രമിച്ചെങ്കിലും അതൊന്നും ഫലം കണ്ടില്ല. 14ന് കേരളം മഹാരാഷ്ട്രയെ നേരിടും. ഗ്രൂപ്പില്‍ ആദ്യ രണ്ട് സ്ഥാനങ്ങളില്‍ എത്തിയാല്‍ മാത്രമേ സെമി ഫൈനല്‍ എത്താന്‍ ആവുകയുള്ളൂ. ഇനിയുള്ള മത്സരങ്ങള്‍ കേരളത്തിന് നിര്‍ണായകമാണ്.
The post കേരളത്തിന് ആദ്യ തോല്‍വി appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
