ചേര്‍ത്തല: ആലപ്പുഴ ചേര്‍ത്തലയില്‍ കതിന പൊട്ടിത്തെറിച്ച് രണ്ടുപേര്‍ക്ക് പരുക്ക്. അര്‍ത്തുങ്കല്‍ അറവുകാട് ക്ഷേത്രത്തിലെ ഉത്സവത്തോടനുബന്ധിച്ച് പറയെടുപ്പിനായി തയ്യാറാക്കിയ കതിന പൊട്ടിത്തെറിച്ചാണ് അപകടം. പരുക്കേറ്റ ഒരാളുടെ നില ഗുരുതരമാണ്. ചേന്നവേലി പുളിക്കല്‍ച്ചിറ വീട്ടില്‍ പ്രകാശന്‍ (52), അര്‍ത്തുങ്കല്‍ ചെത്തികിഴക്കേവെളി വീട്ടില്‍ അശോകന് (46) എന്നിവര്‍ക്കാണ് പരുക്കേറ്റത്.
രണ്ടു കതിന കുറ്റികള്‍ ക്ഷേത്രത്തിലെ പറയെടുപ്പിനായി നിറയ്ക്കുന്നതിനിടയാണ് പൊട്ടിത്തെറിച്ചത്. ഉടന്‍ തന്നെ നാട്ടുകാര്‍ എത്തി ഇരുവരെയും ചേര്‍ത്തല താലൂക്ക് ആശുപത്രിയിലെത്തിച്ചു. തുടര്‍ന്ന് വണ്ടാനം മെഡിക്കല്‍ കോളേജിലേക്ക് പ്രവേശിപ്പിക്കുകയായിരുന്നു. അശോകന് 70 ശതമാനത്തിലേറെ പൊള്ളലേറ്റിട്ടുണ്ട്. അതിനാല്‍ അശോകനെ വണ്ടാനം മെഡിക്കല്‍ കോളേജ് ആശുപത്രിയില്‍ നിന്നും കോട്ടയം മെഡിക്കല്‍ കോളേജിലേക്ക് മാറ്റി. സംഭവത്തില്‍ അര്‍ത്തുങ്കല്‍ പൊലീസ് അന്വേഷണം ആരംഭിച്ചിട്ടുണ്ട്.
The post കതിന പൊട്ടിത്തെറിച്ച് രണ്ടുപേര്‍ക്ക് പരുക്ക് appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
