സ്വന്തം ലേഖിക
ഇടുക്കി: ശബരിമല തീര്‍ത്ഥാടക‌ര്‍ സഞ്ചരിച്ച വാഹനം അപകടത്തില്‍ പെട്ട് 14 പേര്‍ക്ക് പരിക്ക്.
പെരുവന്താനത്തിനടുത്ത് കടുവാപാറയിലാണ് അപകടം.
കര്‍ണാടകയിലെ ബെല്ലാരി സ്വദേശികളായ അയ്യപ്പ ഭക്തര്‍ വന്ന വാഹനമാണ് അപകടത്തില്‍ പെട്ടത്. വളവില്‍ നിയന്ത്രണം വിട്ട ഫോഴ്‌സിന്റെ ട്രാവലര്‍ വാന്‍ ക്രാഷ് ബാരിയറും തകര്‍ത്ത് താഴെ കൊക്കയിലേക്ക് പതിക്കുകയായിരുന്നു.
വൈകിട്ട് 6.30ഓടെയായിരുന്നു അപകടം. സംഭവത്തില്‍ ആരുടെയും പരിക്ക് ഗുരുതരമല്ലെന്നാണ് പ്രാഥമിക വിവരം.
അപകടത്തില്‍പെട്ടവരെ മുണ്ടക്കയത്തുളള സ്വകാര്യ ആശുപത്രിയില്‍ പ്രവേശിപ്പിച്ചു. സംഭവത്തെ തുടര്‍ന്ന് കെ കെ റോഡിലെ മുണ്ടക്കയം-കുട്ടിക്കാനം ഭാഗത്ത് കടുത്ത ഗതാഗതകുരുക്കാണ്.
ഗതാഗതം പൂര്‍വസ്ഥിതിയിലെത്താന്‍ ശ്രമം ആരംഭിച്ചിട്ടുണ്ട്.
The post പീരുമേട് പെരുവന്താനത്ത് ശബരിമല തീര്‍ത്ഥാടകരുടെ വാഹനം കൊക്കയിലേക്ക് മറിഞ്ഞ് അപകടം; പതിനാല് പേര്‍ക്ക് പരിക്ക് appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID Adsmanager@newskerala.net
