കാലിഫോര്‍ണിയ: കുഞ്ഞിന്റെ കരച്ചില്‍ അസഹ്യമെന്നു പറഞ്ഞു കുഞ്ഞിന് മദ്യം കൊടുത്ത ‘അമ്മ അറസ്റ്റിൽ. കുഞ്ഞ് കരച്ചില്‍ നിര്‍ത്താതെ വന്നപ്പോഴാണ് അമ്മ മദ്യം കുടിപ്പിച്ചത്. കാലിഫോര്‍ണിയയിലെ സാന്‍ ബെര്‍ണാര്‍ഡിനോ കൗണ്ടിയിലാണ് സംഭവം.
ഏഴ് ആഴ്ച മാത്രം പ്രായമുള്ള കുഞ്ഞിനാണ് യുവതി മദ്യം നല്‍കിയത്. സംഭവത്തില്‍ ഹോണസ്റ്റി ഡി ലി ടോറെ (37) എന്ന യുവതിയെ പൊലീസ് അറസ്റ്റ് ചെയ്തു.
ലോസ് ഏഞ്ചല്‍സില്‍ നിന്ന് 55 മൈല്‍ കിഴക്ക് സ്ഥിതി ചെയ്യുന്ന റിയാല്‍ട്ടോയിലെ ആശുപത്രിയില്‍ എത്തിച്ചപ്പോഴാണ് കുഞ്ഞിന്റെ ശരീരത്തില്‍ ലഹരിയുടെ അംശം കണ്ടെത്തിയത്. തുടര്‍ന്നാണ് യുവതിയ്‌ക്കെതിരെ കേസെടുത്തത്. റിയാല്‍ട്ടോയിലൂടെ വാഹനമോടിക്കുമ്ബോഴാണ് കുഞ്ഞിന്റെ കരച്ചില്‍ നിര്‍ത്താന്‍ യുവതി കുപ്പിയില്‍ മദ്യം നിറച്ച്‌ നല്‍കിയതെന്നാണ് റിപ്പോര്‍ട്ട്.
മദ്യം നല്‍കി കുഞ്ഞിനെ അപായപ്പെടുത്താൻ ശ്രമിച്ചതിനാണ് ഇവര്‍ക്കെതിരെ പൊലീസ് കേസെടുത്തിരിക്കുന്നത്. കുഞ്ഞ് ആശുപത്രിയില്‍ ചികിത്സയിലാണ്.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
