സൗദി അറേബ്യ: ഭൂകമ്പത്തെ തുടര്‍ന്ന് ദുരിതമനുഭവിക്കുന്ന തുര്‍ക്കിയിലെ ജനങ്ങള്‍ക്ക് ആശ്വാസമേകാന്‍ സൗദിയില്‍ നിന്നുള്ള സന്നദ്ധ സേവന സംഘം തുര്‍ക്കിയിലെത്തി. സൗദി ഭരണാധികാരി സല്‍മാന്‍ രാജാവിന്റെയും കിരീടാവകാശിയുടെയും നിര്‍ദേശത്തെ തുടര്‍ന്ന് നിരവധി മെഡിക്കല്‍, സന്നദ്ധ സംഘങ്ങളും സിവില്‍ ഡിഫന്‍സ് ടീമുകളും ഉള്‍പ്പെടുന്ന സംഘത്തേയും വഹിച്ചുള്ള വിമാനമാണ് റിയാദില്‍ നിന്ന് തുര്‍ക്കിയിലെത്തിയത്. സിവില്‍ ഡിഫന്‍സ്, കിങ് സല്‍മാന്‍ റിലീഫ് സെന്റര്‍ എന്നിവയുമായി സഹകരിച്ചാണ് സംഘം പ്രവര്‍ത്തിക്കുക. 20 പേരെയാണ് റെഡ് ക്രസന്റ് ഇപ്പോള്‍ അയച്ചത്.
ഡോക്ടര്‍മാര്‍, പ്രാഥമിക ശുശ്രൂഷ വിദഗ്ധര്‍, അടിയന്തിര ചികിത്സാസേവന വിദഗ്ധര്‍ എന്നിവര്‍ അതിലുള്‍പ്പെടും. അടുത്ത ആഴ്ചയ്ക്കുള്ളില്‍ ദുരിതബാധിത പ്രദേശങ്ങളിലെ ആവശ്യങ്ങളെക്കുറിച്ച് പൂര്‍ണ ധാരണ നേടാനാണ് ശ്രമിക്കുന്നതെന്നും റെഡ് ക്രസന്റ് മേധാവി പറഞ്ഞു. അതേ സമയം, സിറിയയിലേയും തുര്‍ക്കിയയിലേയും ഭൂകമ്പ ദുരിതബാധിതരെ സഹായിക്കാന്‍ ദേശീയ സഹായ സമാഹരണ കാമ്പയിന്‍ പ്രവര്‍ത്തനങ്ങള്‍ സൗദിയില്‍ പുരോഗമിക്കുകയാണ്.
The post തുര്‍ക്കിക്ക് സഹായഹസ്തവുമായി സൗദി appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
