വിജയ് ദേവരകൊണ്ടയും സമന്തയും ഒന്നിക്കുന്ന റൊമാന്റിക് കോമഡി ചിത്രം ‘ഖുഷി’യിലെ ഗാനത്തിന്റെ പ്രോമോ വീഡിയോ പുറത്തിറങ്ങി. മലയാളിയായ ഹിഷാം അബ്ദുള്‍ വഹാബ് ആണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. ‘നാ റോജ നുവ്വേ’ എന്ന് തുടങ്ങുന്ന ഗാനമാണ് ഈ മാസം ഒന്‍പതിന് റിലീസ് ചെയ്യുന്നത്. ‘ഹൃദയം’ എന്ന സിനിമയിലെ ഗാനങ്ങള്‍ക്ക് ദേശീയ തലത്തില്‍ മികച്ച സ്വീകാര്യത ലഭിച്ചതോടെ ഹിഷാം ഒട്ടനവധി ഭാഷകളില്‍ നിന്നാണ് അവസരങ്ങള്‍ ലഭിക്കുന്നത്.
പ്രഖ്യാപന സമയം മുതല്‍ക്കേ പ്രേക്ഷകരും ആരാധകരും ഏറെ ആകാംക്ഷയോടെ കാത്തിരിക്കുന്ന ചിത്രങ്ങളില്‍ ഒന്നാണ് ‘ഖുഷി’. ശിവ നിര്‍വാണയാണ് ചിത്രം സംവിധാനം ചെയ്യുന്നത്. ഖുഷി ഡിസംബര്‍ 23ന് തിയേറ്ററുകളില്‍ റിലീസ് ചെയ്യുമെന്ന് ഫസ്റ്റ് ലുക്കിലൂടെ അണിയറപ്രവത്തകര്‍ അറിയിച്ചിരുന്നു. ജയറാം, സച്ചിന്‍ ഖേദാകര്‍, മുരളി ശര്‍മ്മ, ലക്ഷ്മി, അലി, രോഹിണി, വെണ്ണേല കിഷോര്‍, രാഹുല്‍ രാമകൃഷ്ണ, ശ്രീകാന്ത് അയ്യങ്കാര്‍, ശരണ്യ എന്നിവരാണ് സിനിമയിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
The post ‘ഖുഷി’യിലെ ആദ്യ ഗാനത്തിന്റെ പ്രോമോ വീഡിയോ പുറത്ത് appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
