ന്യൂഡല്‍ഹി: അദാനി വിഷയം ഉയര്‍ത്തി ലോക്സഭയില്‍ ഭരണപക്ഷത്തിനെതിരെ രൂക്ഷവിമര്‍ശനവുമായി കോണ്‍ഗ്രസ് എം.പി. രാഹുല്‍ ഗാന്ധി. പ്രധാനമന്ത്രി നരേന്ദ്രമോദിയും വ്യവസായി ഗൗതം അദാനിയും തമ്മില്‍ എന്താണ് ബന്ധമെന്ന് രാഹുല്‍ സഭയില്‍ ചോദിച്ചു. അദാനിക്ക് വേണ്ടി നിയമങ്ങള്‍ കാറ്റില്‍ പറത്തിയെന്നും ഇരുവരും തമ്മിലെന്താണ് ബന്ധമെന്ന് അറിയാന്‍ ജനങ്ങള്‍ക്ക് താത്പര്യമുണ്ടെന്നും രാഹുല്‍ സഭയില്‍ പറഞ്ഞു.
‘തമിഴ്നാടും കേരളവും മുതല്‍ ഹിമാചല്‍ പ്രദേശ് വരെ രാജ്യത്തുടനീളം അദാനിയെന്ന പേരാണ് കേള്‍ക്കുന്നത്. പല ബിസിനസുകളില്‍ പണം മുടക്കുന്ന അദാനി ഒരിക്കലും പരാജയപ്പെടുന്നില്ലെന്നും ഇത് എങ്ങനെയാണ് സാധിക്കുന്നതെന്നും ആളുകള്‍ എന്നോട് ചോദിച്ചു.’- രാഹുല്‍ ഗാന്ധി ലോക്സഭയില്‍ പറഞ്ഞു. 2014നും 2022നും ഇടയ്ക്ക് അദാനി മൊത്തം സമ്പാദ്യം എട്ട് ഡോളറില്‍ നിന്ന് 140 ഡോളറിലേക്ക് എങ്ങനെയാണ് ഉയര്‍ത്തിയതെന്ന് രാഹുല്‍ ചോദിച്ചു. മോദിയുമായി അദാനിയുടെ സൗഹൃദം ഗുജറാത്ത് മുഖ്യമന്ത്രിയായിരുന്ന കാലത്ത് തുടങ്ങിയതാണ്.
അദാനി മോദിക്കൊപ്പം തോളോട് തോള്‍ ചേര്‍ന്നു നിന്നു. അദ്ദേഹം പ്രധാനമന്ത്രിയുടെ വിധേയനായിരുന്നു. പുനരുത്ഥാനം ചെയ്ത ഗുജറാത്ത് എന്ന ആശത്തിനായി അദാനി മോദിക്കൊപ്പം നിന്നു, എന്നാല്‍ ശരിയായ അത്ഭുതം സംഭവിച്ചത് മോദി 2014-ല്‍ ഡല്‍ഹിയില്‍ എത്തിയപ്പോഴാണെന്നും രാഹുല്‍ പറഞ്ഞു.
The post ലോക്സഭയില്‍ കേന്ദ്രത്തിനെതിരെ രാഹുല്‍ appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
