തൃശൂര്‍: മാളയില്‍ തീപ്പിടുത്തം. മാളയിലെ ബിലീവേഴ്‌സ് ആശുപത്രിയുടെ പിന്നിലുള്ള പാടത്തിലാണ് തീപിടിത്തം ഉണ്ടായത്. തീയണക്കാനുള്ള ശ്രമം തുടരുകയാണ്. ഫയര്‍ ഫോഴ്‌സ് യൂണിറ്റുകളെത്തി. ഏകദേശം 35 ഏക്കറോളം പാടം കത്തിനശിച്ചുവെന്നാണ് കരുതുന്നത്. ഇന്ന് ഉച്ചയോടെയാണ് അപകടം ഉണ്ടായത്. നാട്ടുകാരാണ് പാടത്ത് നിന്ന് പുക ഉയരുന്നത് കണ്ട് വിവരം ഫയര്‍ ഫോഴ്‌സിനെ അറിയിച്ചത്. ബിലീവേഴ്‌സ് ആശുപത്രി മാനേജ്‌മെന്റിന്റെ ഉടമസ്ഥതയിലുള്ളതാണ് പാടമെന്നാണ് വിവരം.
നാട്ടുകാരും തീയണക്കാനുള്ള ശ്രമത്തില്‍ പങ്കാളികളായി. കൃഷിയിറക്കാതെ തരിശായി കിടന്ന പ്രദേശമാണിത്. കുറ്റിക്കാടുകളും പുല്‍ച്ചെടികളുമായിരുന്നു ഇവിടെയുണ്ടായിരുന്നതില്‍ അധികവും. കടുത്ത പകല്‍ ചൂടില്‍ പുല്ലിന് തീപിടിച്ചതാകുമെന്നാണ് കരുതുന്നത്. സംഭവത്തില്‍ ആര്‍ക്കും പരിക്കേറ്റതായി ഇതുവരെ വിവരമില്ല.
The post തൃശൂരില്‍ 35 ഏക്കറോളം പാടം അഗ്‌നിക്കിരയായി appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
