ഹൈദരാബാദ്: അയ്യപ്പനെയും മറ്റ് ഹിന്ദു ദൈവങ്ങളെയും അപമാനിക്കുന്ന തരത്തില്‍ വിവാദ പ്രസ്താവന നടത്തിയ യുവാവിനെ പൊലീസ് വാനിനുള്ളിലിട്ട് മര്‍ദ്ദിച്ചവര്‍ അറസ്റ്റില്‍. ഹിന്ദു ദൈവങ്ങളെ അപമാനിക്കുന്ന തരത്തില്‍ വിവാദ പ്രസ്താവന നടത്തിയതിന് കഴിഞ്ഞ വര്‍ഷം ഡിസംബറില്‍ ബൈരി നരേഷ് (42) അറസ്റ്റിലായിരുന്നു. ഇതിന് ശേഷം ലോ കോളജില്‍ ഒരു പരിപാടിക്ക് എത്തിയപ്പോഴാണ് മര്‍ദ്ദനമേറ്റത്. ഒരു സംഘം ആക്രമിക്കുമെന്ന വിവരം ലഭിച്ച ബൈരി നരേഷ് തന്നെയാണ് ഭയന്ന് പൊലീസിനെ വിവരം അറിയിച്ചത്.
പ്രശ്നം ഒന്നും കൂടാതെ ബൈരി നരേഷിനെ പ്രദേശത്ത് നിന്ന് കൊണ്ട് പോകാൻ പൊലീസ് ശ്രമിച്ചപ്പോഴാണ് ആക്രമണം ഉണ്ടായത്. ഒരു സംഘം ആളുകള്‍ എത്തി പൊലീസ് വാഹനത്തിന് അകത്തിട്ട് ബൈരി നരേഷിനെ മര്‍ദ്ദിക്കുകയായിരുന്നു. പൊലീസ് സംഘം ബൈരി നരേഷിനെ സംരക്ഷിക്കാൻ ശ്രമിച്ചെങ്കിലും ആളുകള്‍ കൂടുതലുള്ളതിനാല്‍ ഒന്നും ചെയ്യാൻ സാധിച്ചില്ല. പൊലീസിന്‍റെ മുന്നിലിട്ട് അക്രമികള്‍ ബൈരി നരേഷിനെ വളഞ്ഞിട്ട് മര്‍ദ്ദിക്കുന്നതിന്‍റെ വീഡിയോ പുറത്ത് വന്നിട്ടുണ്ട്.
The post അയ്യപ്പനെ അപമാനിച്ച് വിവാദ പ്രസ്താവന; പൊലീസ് വാനിലിട്ട് യുവാവിനെ ആള്‍ക്കൂട്ടം ക്രൂരമായി തല്ലിച്ചതച്ചു appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
