കോഴിക്കോട്: രാജ്യസഭാംഗം പി.ടി. ഉഷയുടെ ആരോപണത്തില്‍ പ്രതികരിച്ച് കായിക മന്ത്രി വി. അബ്ദുറഹിമാന്‍. പി.ടി. ഉഷ ആരോപിച്ച അനധികൃത നിര്‍മാണ പ്രവര്‍ത്തനം ഒരു പ്രാദേശിക വിഷയമാണെന്നും അത് പെരുപ്പിച്ച് കാണിക്കേണ്ടതില്ലെന്നും മന്ത്രി പറഞ്ഞു. ഇന്ന് ഇന്ത്യയില്‍ കേരളത്തിലാണ് സ്വസ്ഥമായി ജീവിക്കാനുള്ള അന്തരീക്ഷം ഉളളതെന്നും അദ്ദേഹം അഭിപ്രായപ്പെട്ടു.
‘ഇവിടെ ഒരു അക്രമവും ആര്‍ക്കെതിരേയും നടന്നിട്ടില്ല. പഞ്ചായത്തുമായി ചര്‍ച്ച ചെയ്ത് പരിഹരിക്കേണ്ട വിഷയമാണിത്. അത് ഡല്‍ഹിയില്‍ പോയി പറയേണ്ട വിഷയമല്ല. സ്പോട്സ് കൗണ്‍സില്‍ പ്രവര്‍ത്തനത്തില്‍ ഞാന്‍ തൃപ്തനാണ്’, എന്നും മന്ത്രി പറഞ്ഞു. കൂടാതെ മേഴ്സിക്കുട്ടന്‍ മാറുന്ന കാര്യത്തെക്കുറിച്ച് തനിക്കറിയില്ലെന്നും മികച്ച സാമ്പത്തിക സൗകര്യമാണ് കായികതാരങ്ങള്‍ക്ക് നല്‍കുന്നതെന്നും അദ്ദേഹം കൂട്ടിച്ചേര്‍ത്തു.
The post പി.ടി. ഉഷയുടെ ആരോപണത്തില്‍ പ്രതികരിച്ച് കായിക മന്ത്രി appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
