സ്വന്തം ലേഖകൻ
കോഴിക്കോട്: താമരശ്ശേരി ചുരത്തില്‍ ടിപ്പര്‍ലോറിയും ബൈക്കും കൂട്ടിയിടിച്ച് കൊക്കയിലേക്ക് തെറിച്ചുവീണ് ചികിത്സയിലായിരുന്ന യുവാവ് മരിച്ചു. വയനാട് സുല്‍ത്താന്‍ ബത്തേരി ചുള്ളിയോട് കൊട്ടയങ്ങല്‍ റാഷിദ് (24) ആണ് മരിച്ചത്.
റാഷിദിനോടൊപ്പം ബൈക്കില്‍ സഞ്ചരിച്ചിരുന്ന ഷെരീഫിന് അപകടത്തില്‍ സാരമായി പരിക്കേറ്റു. താമരശ്ശേരി ചുരം ഒമ്പതാംവളവിനുതാഴെ, തകരപ്പാടിക്കുമുകളിലായി തിങ്കളാഴ്ച വൈകുന്നേരം മൂന്നുമണിയോടെയായിരുന്നു അപകടം.
കോഴിക്കോട്ടുനിന്ന് വയനാട്ടിലേക്ക് മടങ്ങുകയായിരുന്ന യുവാക്കള്‍ സഞ്ചരിച്ച ബൈക്കും ചുരമിറങ്ങി വരികയായിരുന്ന ടിപ്പര്‍ലോറിയും തമ്മിലാണ് കൂട്ടിയിടിച്ചത്. ഇടിയുടെ ആഘാതത്തില്‍ ബൈക്കില്‍നിന്ന് തെറിച്ചുപോയ ഇരുവരും മുപ്പതടിയിലധികം താഴ്ചയുള്ള കൊക്കയിലേക്ക് വീഴുകയായിരുന്നു.
അപകടവിവരമറിഞ്ഞെത്തിയ യാത്രക്കാരുടെയും സന്നദ്ധപ്രവര്‍ത്തകരുടെയും നേതൃത്വത്തില്‍ യുവാക്കളെ മുകളിലെത്തിക്കുകയായിരുന്നു.
The post appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
