സ്വന്തം ലേഖിക
തിരുവനന്തപുരം: വീടിന് പുറത്ത് നിന്ന ഗൃഹനാഥനെ കാട്ടുപന്നി മാരകമായി ആക്രമിച്ച്‌ പരിക്കേല്‍പ്പിച്ചു.
കിളിമാനൂര്‍ വര്‍ത്തൂര്‍ സ്വദേശി അപ്പുക്കുട്ടനാണ് (75) പരിക്കേറ്റത്. വീടിന് പുറത്തുള്ള കിണറിന്റെ പരിസരത്തായി നിന്ന അപ്പുക്കുട്ടനെ പാഞ്ഞെത്തിയ കാട്ടുപന്നി ഇടിച്ചിടുകയായിരുന്നു.
പിന്നാലെ കൈവരി തകര്‍ത്ത് കാട്ടുപന്നി കിണറ്റില്‍ പതിച്ചു. അപ്പുക്കുട്ടനെ തിരുവനന്തപുരം മെഡിക്കല്‍ കോളേജില്‍ പ്രവേശിപ്പിച്ചു. പന്നി കിണറ്റില്‍ അകപ്പെട്ടതായി വനം വകുപ്പിനെ വിവരമറിയിച്ചിട്ടുണ്ട്.
ഇടിയുടെ ആഘാതത്തില്‍ തെറിച്ചു വീണ അപ്പുകുട്ടന്റെ അടിവയറിന് താഴെയാണ് ഗുരുതരമായി പരിക്കേറ്റത്. ഉടനെ തന്നെ പാരിപ്പള്ളി മെഡിക്കല്‍ പ്രവേശിപ്പിച്ചു.
പരിക്കിന്റെ ഗുരുതരാവസ്ഥ കണക്കിലെടുത്ത് വിദഗ്ദ ചികിത്സയ്ക്കായി തിരുവനന്തപുരം മെഡിക്കല്‍ കോളേജിലേയ്ക്ക് മാറ്റുകയായിരുന്നു.
വേനല്‍ക്കാലമായതോടെ ജനവാസമേഖലയില്‍ വന്യമൃഗ ശല്യം രൂക്ഷമാവുകയാണ്.
The post appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
