തിരുവനന്തപുരം: ജി.വി. രാജ സ്‌പോട്‌സ് സ്‌കൂള്‍, കണ്ണൂര്‍ സ്‌പോട്‌സ് സ്‌കൂള്‍, തൃശ്ശൂര്‍ സ്‌പോട്‌സ് ഡിവിഷന്‍ എന്നിവിടങ്ങളിലേക്കുളള 2023-24 അധ്യയനവര്‍ഷത്തെ ഫുട്‌ബോള്‍ കളിക്കാരുടെ സെലക്ഷന്‍ മെയ് 3 മുതല്‍ വിവിധ കേന്ദ്രങ്ങളിലായി നടത്തും.
തിരുവനന്തപുരം ജി.വി.രാജ സ്‌പോട്‌സ് സ്‌കൂളിലേക്ക് എട്ട്, പ്ലസ് വണ്‍ ക്ലാസുകളിലായി ആണ്‍കുട്ടികള്‍ക്ക് മാത്രമാണ് സെലക്ഷന്‍. കണ്ണൂര്‍ സ്‌പോട്‌സ് സ്‌കൂളില്‍ എട്ട്, പ്ലസ് വണ്‍ ക്ലാസുകളിലേക്ക് പെണ്‍കുട്ടികള്‍ക്ക് മാത്രവും തൃശൂര്‍ സ്‌പോട്‌സ് ഡിവിഷനില്‍ എട്ടാം ക്ലാസില്‍ ആണ്‍കുട്ടികള്‍ക്ക് മാത്രവുമാണ് സെലക്ഷന്‍ നടത്തുന്നത്.
പ്ലസ് വണ്‍ പ്രവേശനത്തിനുള്ള ആണ്‍കുട്ടികള്‍ കുറഞ്ഞത് ജില്ലയെ പ്രതിനിധീകരിച്ച്‌ സംസ്ഥാനതല മത്സരങ്ങളില്‍ പങ്കെടുത്തവരും എട്ടാം ക്ലാസിലേക്കുളള പ്രവേശനത്തിന് സ്‌കൂള്‍ സബ് ജില്ലയെ പ്രതിനിധീകരിച്ച്‌ ജില്ല മത്സരത്തിലെങ്കിലും പങ്കെടുത്തവരും ആയിരിക്കണം. പെണ്‍കുട്ടികള്‍ക്ക് സബ്ജില്ലാ-ജില്ലാ പ്രാതിനിധ്യം ബാധകമല്ല.
മേയ് മൂന്നിന് തിരുവനന്തപുരം മൈലം ജി.വി. രാജ സ്‌പോട്‌സ് സ്‌കൂള്‍, മെയ് അഞ്ചിന് എറണാകുളം മഹാരാജാസ് കോളജ് ഗ്രൗണ്ട്, മെയ് എട്ടിന് തേഞ്ഞിപ്പലം കാലിക്കറ്റ് യൂനിവേഴ്‌സിറ്റി സ്റ്റേഡിയം, മെയ് 10ന് കണ്ണൂര്‍ പൊലീസ് ഗ്രൗണ്ട് എന്നിവിടങ്ങളിലാണ് സെലക്ഷന്‍ നടക്കുന്നത്. സെലക്ഷനില്‍ പങ്കെടുക്കുന്ന വിദ്യാര്‍ഥികള്‍ വയസ് തെളിയിക്കുന്ന സര്‍ട്ടിഫിക്കറ്റ്, കായിക മികവ് തെളിയിക്കുന്ന സര്‍ട്ടിഫിക്കറ്റ്, രണ്ടു പാസ്‌പോര്‍ട് സൈസ് ഫോട്ടോ, സ്‌പോട്‌സ് കിറ്റ് എന്നിവ സഹിതം രാവിലെ ഒമ്ബത് മണിക്ക് സെലക്ഷന്‍ സെന്ററില്‍ എത്തണം.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
