തിരുവമ്പാടി കൊടയ്ക്കാട്ടുപാറ കെ.പി. എസ്റ്റേറ്റിലേക്കുള്ള ചെന്ന്യാമ്പാറ തൂക്കുപാലം
തകർന്ന് ബന്ധുക്കളായ മൂന്നുപേർക്ക് പരിക്ക്. ഇതിൽ ഒരാളുടെ നില ഗുരുതരമായി തുടരുന്നു. പാലത്തിന്റെ ഇരുമ്പുകമ്പി പാറയിൽ ഉറപ്പിച്ചിരുന്ന കൊൽ തകർന്ന് പാലം ചെരിഞ്ഞ് യാത്രക്കാർ പുഴയിലെ പാറക്കെട്ടിലേക്ക് വീഴുകയായിരുന്നു. ഒപ്പമുണ്ടായിരുന്ന 4 വയസ്സുള്ള കുട്ടിയും മറ്റൊരു സ്ത്രീയും പാലത്തിൽ തൂങ്ങിക്കിടന്നതു കൊണ്ട് പരിക്കേല്ക്കാതെ രക്ഷപെട്ടു.
2013 ൽ പണിതീർത്ത 40 മീറ്ററോളം നീളമുള്ള പാലം 2022 ജൂണിൽ അപകടത്തിലായതിനെ തുടർന്ന് അടച്ചിട്ടു 6 മാസം മുമ്പാണ് ഒന്നര ലക്ഷം രൂപ ചെലവിൽ അറ്റകുറ്റപ്പണി നടത്തി ഗതാഗതത്തിനു തുറന്നു കൊടുത്തത്. അന്ന് ശ്രദ്ധയിൽ പെടാതിരുന്ന ഭാഗമാണ് ഇപ്പോൾ തകർന്നത് എന്നാണ് അധികൃതരുടെ വിശദീകരണം .
തൊടുപുഴ പൈങ്ങോട്ടൂർ സ്വദേശി കാഞ്ഞിരക്കാട്ടുകുന്നേൽ സാലി ജോസഫ് (59),
ഭർത്താവ് കെ.ജെ.ജോസഫ് (62), കോട്ടയം പാമ്പാടി സ്വദേശി ഫിൻമോൻ ജേക്കബ് (36)
എന്നിവർക്കാണ് പരിക്കേറ്റത്.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
