കോട്ടയം> പ്രതിപക്ഷ നേതാവ് വിഡി സതീശനെതിരെ ചങ്ങനാശേരിയിൽ ഐഎൻടിയുസി പ്രവർത്തകർ പ്രതിഷേധ പ്രകടനം നടത്തി കോലം കത്തിച്ചു. ഐഎൻടിയുസി കോൺഗ്രസ് പോഷക സംഘടനയല്ലെന്ന വിഡി സതീശന്റെ പ്രസ്താവനയാണ് ഐഎൻടിയുസി പ്രതിഷേധവുമായി രംഗത്തെത്താൻ കാരണം.
ദേശീയ പണിമുടക്കിന് പിന്നാലെയാണ് തൊഴിലാളി സംഘടനയായ ഐഎൻടിയുസിയെ വി ഡി സതീശൻ തള്ളിപറഞ്ഞത്. കോൺഗ്രസ് പറയുന്നത് സംഘടന കേൾക്കണമെന്നില്ലെന്നും സതീശൻ പറഞ്ഞിരുന്നു.
ഐഎന്ടിയുസി സംസ്ഥാന വര്ക്കിംഗ് കമ്മറ്റി അംഗം പി പി തോമസിന്റെ നേതൃത്വത്തിൽ ചങ്ങനാശേരി മാര്ക്കറ്റിലെ ഐഎന്ടിയുസി തൊഴിലാളികളാണ് പ്രകടനം നടത്തിയത്.
മാർക്കറ്റിൽ നിന്ന് സെന്ട്രല് ജംഗ്ഷനിലേക്ക് പ്രതിഷേധ പ്രകടനം നടത്തി. നൂറുകണക്കിന് പ്രവർത്തകരാണ് പ്രകടനത്തിൽ പങ്കെടുത്തത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
