ക്വാലലംപുർ∙ അണ്ടർ 19 വനിതാ ട്വന്റി20 ലോകകപ്പിൽ സെമിയുറപ്പിച്ചതിന്റെ സന്തോഷം, സ്കോട്‌ലൻഡിനെതിരായ മത്സരത്തിൽ തകർപ്പൻ ബാറ്റിങ് പ്രകടനവുമായി ആഘോഷിച്ച് ഇന്ത്യൻ യുവനിര. ടൂർണമെന്റിൽ ഇതുവരെ ഇന്ത്യൻ മുന്നേറ്റത്തിന് ചുക്കാൻ പിടിച്ച ഓപ്പണർ ഗോംഗാദി തൃഷയുടെ സെഞ്ചറി മികവിൽ സ്കോട്‌ലൻഡിനു മുന്നിൽ ഇന്ത്യ ഉയർത്തിയത് 209 റൺസ് വിജയലക്ഷ്യം. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇന്ത്യ, നിശ്ചിത 20 ഓവറിൽ ഒരു വിക്കറ്റ് നഷ്ടത്തിലാണ് 208 റൺസെടുത്തത്.
തൃഷ 110 റണ്‍സുമായി പുറത്താകാതെ നിന്നു. സഹ ഓപ്പണർ ജി.കമാലിനി അർധസെഞ്ചറിയും (51) നേടി. അണ്ടർ 19 വനിതാ ട്വന്റി20 ലോകകപ്പിൽ സെഞ്ചറി നേടുന്ന ആദ്യ താരം കൂടിയാണ് തൃഷ.
മത്സരത്തിലാകെ 59 പന്തുകൾ നേരിട്ട തൃഷ, 13 ഫോറും നാലു സിക്സും സഹിതമാണ് 110 റൺസെടുത്തത്. 53 പന്തിൽ തൃഷ സെഞ്ചറിയിലെത്തി. 42 പന്തുകൾ നേരിട്ട കമാലിനിയാകട്ടെ, ഒൻപതു ഫോറുകളോടെയാണ് 51 റൺസെടുത്തത്. സനിക ചൽകെ 20 പന്തിൽ അഞ്ച് ഫോറുകളോടെ 29 റൺസുമായി പുറത്താകാതെ നിന്നു.
ഓപ്പണിങ് വിക്കറ്റിൽ തൃഷ – കമാലിനി സഖ്യം സെഞ്ചറി കൂട്ടുകെട്ടു തീർത്തു. 81 പന്തുകൾ നേരിട്ട സഖ്യം, 147 റൺസാണ് സ്കോർ ബോർഡിൽ എത്തിച്ചത്. പിരിയാത്ത രണ്ടാം വിക്കറ്റിൽ തൃഷ – സനിക സഖ്യം 39 പന്തിൽ 61 റൺസും കൂട്ടിച്ചേർത്തു. ഇന്ത്യയ്ക്ക് നഷ്ടമായ ഏക വിക്കറ്റ് സ്കോട്ലൻഡ് താരം മയ്സി മസെയ്‌ര നേടി. നാല് ഓവറിൽ 25 റൺസ് വഴങ്ങി ഒരു വിക്കറ്റെടുത്ത മസെയ്‌ര മാത്രമാണ് സ്കോട്ലൻഡ് ബോളർമാരിൽ ഭേദപ്പെട്ടു നിന്നത്.
സൂപ്പർസിക്സിലെ ആദ്യ മത്സരത്തിൽ ബംഗ്ലദേശിനെ എട്ടു വിക്കറ്റിനു തോൽപ്പിച്ചതോടെ ഇന്ത്യ സെമി ഉറപ്പിച്ചിരുന്നു. ഗ്രൂപ്പ് ഒന്നിൽ ഇന്ത്യയ്ക്കു പുറമേ ഓസ്ട്രേലിയയും സെമിയിൽ കടന്നു. ഗ്രൂപ്പ് രണ്ടിൽനിന്ന് ദക്ഷിണാഫ്രിക്ക, ഇംഗ്ലണ്ട് ടീമുകളാണ് സെമിയിലെത്തിയത്.
English Summary:
India Women U19 vs Scotland Women U19, ICC Under 19 Womens T20 World Cup 2025, Group A – Live Updates
TAGS
Under 19 ODI World Cup 2024
Women’s Cricket
Cricket
.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}
@media only screen and (max-width:510px) {
#news-buzz-iframe {
height: 180px;
}
}
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
അവശ്യസേവനങ്ങൾ കണ്ടെത്താനും ഹോം ഡെലിവറി ലഭിക്കാനും സന്ദർശിക്കു www.quickerala.com
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
