രോഹിത്തും ജയ്‌സ്വാളും ദേ വന്നു, ദാ പോയി..; ഒറ്റ മത്സരം കൊണ്ട് ‘രഞ്ജി പരീക്ഷണം’ അവസാനിപ്പിക്കുന്നു, അടുത്ത മത്സരത്തിനില്ല

മുംബൈ∙ രാജ്യാന്തര ക്രിക്കറ്റിലെ മോശം പ്രകടനത്തെ തുടർന്ന് ആഭ്യന്തര ക്രിക്കറ്റിലേക്ക് മടങ്ങി രഞ്ജി ട്രോഫി കളിക്കാൻ നിർബന്ധിതരായ സൂപ്പർ താരങ്ങൾ, ഒറ്റ മത്സരം കൊണ്ട് ‘രഞ്ജി പരീക്ഷണം’ അവസാനിപ്പിക്കുന്നു. ജമ്മു കശ്മീരിനെതിരായ മത്സരത്തിൽ മുംബൈയ്‌ക്കായി കളത്തിലിറങ്ങിയ ക്യാപ്റ്റൻ രോഹിത് ശർമ, യശസ്വി ജയ്‌സ്വാൾ, ഡൽഹിക്കായി കളത്തിലിറങ്ങിയ ഋഷഭ് പന്ത് തുടങ്ങിയവരാണ് ഒറ്റ മത്സരം കൊണ്ട് രഞ്ജി ട്രോഫിയിൽനിന്ന് പിൻമാറുന്നത്. ഇന്ത്യയുടെ ഏകദിന ടീമിനൊപ്പം ചേരേണ്ടതു കൊണ്ടാണ് ഇവർ രഞ്ജി ട്രോഫിയിൽനിന്ന് മാറിനിൽക്കുന്നതെന്നാണ് ഔദ്യോഗിക വിശദീകരണം.

ദേശീയ ടീമിൽ കളിക്കുന്ന താരങ്ങളെ ഉൾപ്പെടുത്തിയിട്ടും രഞ്ജി ട്രോഫിയിൽ മുംബൈ താരതമ്യേന ദുർബലരായ ജമ്മു കശ്മീരിനോടും, ഡൽഹി കരുത്തരായ സൗരാഷ്ട്രയോടും തോറ്റിരുന്നു. ഏതാണ്ട് പത്തു വർഷത്തോളം നീണ്ട ഇടവേളയ്ക്കു ശേഷം രഞ്ജി ട്രോഫിയിലേക്ക് മടങ്ങിയെത്തിയ രോഹിത് ശർമ, രണ്ട് ഇന്നിങ്സിലുമായി ആകെ 31 റൺസ് മാത്രമാണ് നേടിയത്. ആദ്യ ഇന്നിങ്സിൽ 19 പന്തിൽ 3 റൺസ് മാത്രം നേടിയ താരം, രണ്ടാം ഇന്നിങ്സിൽ 28 റൺസുമെടുത്തു. 

രഞ്ജി ട്രോഫിയിൽ കളിച്ചിട്ടും ഫോമിന്റെ ഏഴയലത്തെങ്ങുമില്ലെന്ന് വ്യക്തമായ രോഹിത് ശർമയാണ്, ഈ മാസം ആരംഭിക്കുന്ന ചാംപ്യൻസ് ട്രോഫിയിൽ ഇന്ത്യയെ നയിക്കുന്നത്. ഓസ്ട്രേലിയൻ പര്യടനത്തിൽ ഭേദപ്പെട്ട പ്രകടനവുമായി തിളങ്ങിയെങ്കിലും, രഞ്ജി ട്രോഫി മത്സരം യശസ്വി ജയ്‌സ്വാളിനും കയ്പേറിയ അനുഭവമായിരുന്നു. നാല്, 26 എന്നിങ്ങനെയായിരുന്നു 2 ഇന്നിങ്സുകളിൽ ജയ്‌സ്വാളിന്റെ സ്കോർ.

ഡൽഹിക്കായി നീണ്ട ഇടവേളയ്‌ക്കു ശേഷം വിരാട് കോലി രഞ്ജി ട്രോഫിയിൽ കളിക്കാൻ തയാറെടുക്കുമ്പോഴാണ്, ചാംപ്യൻസ് ട്രോഫിയുടെ പേരിൽ രോഹിത്തും ജയ്‌സ്വാളും പന്തും രഞ്ജി ട്രോഫിയിൽനിന്ന് പിൻമാറുന്നത്. ജനുവരി 30 മുതൽ ഡൽഹിയിലെ അരുൺ ജയ്‌റ്റ്ലി സ്റ്റേഡിയത്തിൽ റെയിൽവേസിനെതിരായ മത്സരത്തിലാണ് കോലി കളിക്കുന്നത്. ഡൽഹി ടീമംഗമായ പന്ത് ഈ മത്സരത്തിൽ കളിക്കില്ലെന്നാണ് വിവരം. ആദ്യ മത്സരത്തിൽ പന്തിന്റെ പ്രകടനവും ദയനീയമായിരുന്നു.

English Summary:
Rohit Sharma, Jaiswal, and Pant Abandon Ranji Trophy After Disappointing Performance

TAGS

Indian Cricket Team

Board of Cricket Control in India (BCCI)

Ranji Trophy

Rohit Sharma

Yashaswi Jaiswal

.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}

@media only screen and (max-width:510px) {
#news-buzz-iframe {
height: 180px;
}
}

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com

…