ഹൈദരാബാദ്∙ മുഹമ്മദ് അസ്ഹറുദ്ദീൻ നേടിയ സെഞ്ചറിയും ബറോഡയ്ക്കെതിരെ കേരളത്തിനു രക്ഷയായില്ല. വിജയ് ഹസാരെ ട്രോഫിയിലെ ആദ്യ മത്സരത്തിൽ കേരളത്തിനു തോൽവി. 62 റൺസ് വിജയമാണ് ബറോഡ സ്വന്തമാക്കിയത്. ബറോഡ ഉയര്‍ത്തിയ 404 റൺസ് വിജയലക്ഷ്യം പിന്തുടര്‍ന്ന കേരളം 341 റൺസിനു പുറത്തായി. 59 പന്തുകള്‍ നേരിട്ട മുഹമ്മദ് അസ്ഹറുദ്ദീൻ 104 റൺസെടുത്തെങ്കിലും കേരളത്തിന്റെ തോല്‍വിയെ തടയാൻ സാധിച്ചില്ല. ഏഴു സിക്സുകളും എട്ടു ഫോറുകളുമാണ് അസ്ഹറുദ്ദീൻ ബൗണ്ടറി കടത്തിയത്.
ഇന്ത്യൻ താരങ്ങൾക്കു നൽകിയത് പഴയ പിച്ചുകൾ?, ബൗണ്‍സ് ഇല്ലെന്ന് പരാതി; ഓസ്ട്രേലിയയ്ക്ക് പുത്തൻ പിച്ച്
Cricket
മത്സരത്തിൽ ടോസ് നേടിയ കേരളം ബറോഡയെ ബാറ്റിങ്ങിനു വിടുകയായിരുന്നു. പക്ഷേ ഈ തീരുമാനം തെറ്റാണെന്നു തെളിയിക്കുന്നതായിരുന്നു ബറോഡയുടെ ബാറ്റിങ്. 10 റൺസെടുത്ത ഓപ്പണര്‍ ശാശ്വത് റാവത്തിനെ തുടക്കത്തിൽ തന്നെ നഷ്ടമായെങ്കിലും പിന്നീട് ബറോഡ സ്കോർ കുതിച്ചുയരുകയായിരുന്നു. ഓപ്പണർ നിനദ് രഥ്‍വ സെഞ്ചറി നേടി. 99 പന്തുകളിൽ നിന്ന് 136 റൺസാണ് ബറോഡ ബാറ്റർ അടിച്ചത്. ക്യാപ്റ്റൻ ക്രുനാൽ പാണ്ഡ്യയും (54 പന്തിൽ 80), പാർഥ് കോലിയും (87 പന്തിൽ 72) അർധ സെഞ്ചറി തികച്ചു. വിഷ്ണു സോളങ്കി (46), ഭാനു പനിയ (37) എന്നിവരും തിളങ്ങിയതോടെ 50 ഓവറിൽ നാലു വിക്കറ്റ് നഷ്ടത്തിൽ ബറോഡ ഉയര്‍ത്തിയത് 403 റൺസ്.
രാജസ്ഥാന് ഇനി രണ്ട് വിക്കറ്റ് കീപ്പർമാർ? സ്ഥാനം വിട്ടുകൊടുത്ത് ക്യാപ്റ്റൻ സഞ്ജു സാംസൺ; നിർണായക വെളിപ്പെടുത്തല്‍
Cricket
മറുപടി ബാറ്റിങ്ങിൽ ഓപ്പണർമാർ കേരളത്തിനായി 113 റൺസ് കൂട്ടുകെട്ടാണു പടുത്തുയർത്തിയത്. രോഹൻ എസ്. കുന്നുമ്മൽ 50 പന്തിൽ 65 റൺസും അഹമ്മദ് ഇമ്രാൻ 52 പന്തിൽ 51 റൺസുമെടുത്തു പുറത്തായി. ഇരുവരും മടങ്ങിയതിനു ശേഷം വന്ന കേരള ബാറ്റർമാരിൽ മുഹമ്മദ് അസ്ഹറുദ്ദീന്‍ മാത്രമായിരുന്നു തിളങ്ങിയത്.
ഷോൺ റോജർ (27), ഷറഫുദ്ദീൻ (21), ക്യാപ്റ്റൻ സൽമാൻ നിസാർ (19) എന്നിവര്‍ക്ക് വലിയ സ്കോറുകൾ കണ്ടെത്താൻ സാധിക്കാതിരുന്നത് കേരളത്തിനു തിരിച്ചടിയായി. ജലജ് സക്സേന നേരിട്ട ആദ്യ പന്തിൽ തന്നെ പുറത്തായി. 45.5 ഓവറിൽ 341 റൺസെടുക്കാൻ മാത്രമാണു കേരളത്തിനു സാധിച്ചത്.
English Summary:
Baroda beat Kerala in Vijay Hazare Trophy
TAGS
Kerala Cricket Team
Vijay Hazare Trophy
Board of Cricket Control in India (BCCI)
.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}
@media only screen and (max-width:510px) {
#news-buzz-iframe {
height: 180px;
}
}
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
അവശ്യസേവനങ്ങൾ കണ്ടെത്താനും ഹോം ഡെലിവറി ലഭിക്കാനും സന്ദർശിക്കു www.quickerala.com
