റിയാദ്∙ പുതിയ പരിശീലകൻ സ്റ്റെഫാനോ പിയോലിയുടെ കീഴിലുള്ള ആദ്യ മത്സരം വിജയത്തോടെ ആഘോഷിച്ച് അൽ നസ്ർ. സൗദി പ്രൊ ലീഗ് ഫുട്ബോളിൽ ഇന്നലെ നടന്ന മത്സരത്തിൽ അൽ ഇത്തിഫാഖിനെ 3–0നാണ് ക്രിസ്റ്റ്യാനോ റൊണാൾഡോയും സംഘവും തോൽപിച്ചത്.
33–ാം മിനിറ്റിൽ ലഭിച്ച പെനൽറ്റി കിക്ക് ലക്ഷ്യത്തിലെത്തിച്ച ക്രിസ്റ്റ്യാനോയാണ് അൽ നസ്റിനെ മുന്നിലെത്തിച്ചത്. പിന്നാലെ സലിം അൽ നജ്ദി (56–ാം മിനിറ്റ്), ആൻഡേഴ്സൻ ടെലിസ്ക (70) എന്നിവരും അൽ നസ്റിനായി ലക്ഷ്യം കണ്ടു.
കഴിഞ്ഞ ദിവസമാണ് മുൻ പരിശീലകൻ ലൂയിസ് കാസ്ട്രോയെ മാറ്റി ഇറ്റലിക്കാരനായ പിയോലിയെ അൽ നസ്ർ പരിശീലകനായി നിയമിച്ചത്. 2022ൽ എസി മിലാനെ ഇറ്റാലിയൻ ലീഗ് ചാംപ്യൻമാരാക്കിയ പരിശീലകനാണ് അൻപത്തിയെട്ടുകാരൻ പിയോലി.
English Summary:
Al Nassr defeated Al Ettifaq in Saudi pro league football match
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
