ഹുലെൻബെർ ∙ ഏഷ്യൻ ചാംപ്യൻസ് ട്രോഫി ഹോക്കി ഫൈനലിൽ ഇന്ത്യയ്ക്കു എതിരാളികളായി ചൈന. സെമിഫൈനലിൽ ഇന്ത്യ ദക്ഷിണ കൊറിയയെ 4–1നു തകർത്തപ്പോൾ ഷൂട്ടൗട്ടിലേക്കു നീണ്ട ആദ്യ സെമിഫൈനലിൽ ചൈന 2–0ന് പാക്കിസ്ഥാനെ അട്ടിമറിച്ചു. ഇന്ത്യൻ സമയം ഇന്നു വൈകിട്ട് 3.30നാണ് ഫൈനൽ. സോണി ടെൻ–1 ചാനലുകളിൽ തൽസമയം. ഗ്രൂപ്പ് ഘട്ടത്തിൽ ഇന്ത്യ ചൈനയെ 3–0നു തോൽപിച്ചിരുന്നു. ചാംപ്യൻഷിപ്പിൽ നിലവിലെ ജേതാക്കളാണ് ഇന്ത്യ.
5 കളികളിൽ 21 ഗോളുകളുമായി ഗ്രൂപ്പ് ഘട്ടം പൂർത്തിയാക്കിയ ഇന്ത്യയ്ക്കെതിരെ സെമിയിൽ വെല്ലുവിളിയുയർത്താൻ കൊറിയയ്ക്കായില്ല. ക്യാപ്റ്റൻ ഹർമൻപ്രീത് സിങ്ങിന്റെ ഇരട്ടഗോളുകളാണ് (19, 45 മിനിറ്റുകൾ) ഇന്ത്യയ്ക്കു വിജയം സമ്മാനിച്ചത്. ഉത്തം സിങ് (13), ജർമൻപ്രീത് സിങ് (32) എന്നിവരും ലക്ഷ്യം കണ്ടു.
ആദ്യ സെമിയിൽ, പാക്കിസ്ഥാനെതിരെ 33–ാം മിനിറ്റിൽ യാങ് ജിഹുനാണ് ചൈനയുടെ ആശ്വാസഗോൾ നേടിയത്. നിശ്ചിത സമയത്ത് 1–1 സമനിലയായിരുന്നു. ഷൂട്ടൗട്ടിൽ ഗോൾകീപ്പർ കെയു വാങ്ങിന്റെ ഉജ്വല സേവുകളാണ് ചൈനയ്ക്കു തുണയായത്. പാക്കിസ്ഥാൻ 4 കിക്കുകളും പാഴാക്കിയപ്പോൾ ചൈനയ്ക്കു വേണ്ടി ബെൻഹായ് ചെൻ, ചാൻലിയാങ് ലിൻ എന്നിവർ ലക്ഷ്യം കണ്ടു.
English Summary:
Asian Champions Trophy Hockey India vs China
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]