ലാഹ്‍ലി (ഹരിയാന)∙ രഞ്ജി ട്രോഫിയിൽ ഹരിയാനയ്ക്കെതിരെ കേരളം 291 റൺസിന് ഓൾഔട്ട്. മൂന്നാം ദിവസം എട്ട് വിക്കറ്റ് നഷ്ടത്തില്‍ 285 റണ്‍സെന്ന നിലയില്‍ ബാറ്റിങ് തുടങ്ങിയ കേരളം ലഞ്ചിനു പിരിയുംമുൻപേ ഓള്‍ഔട്ടാകുകയായിരുന്നു.
ഫാസ്റ്റ് ബോളർ അൻഷൂൽ കാംബോജാണ് കേരളത്തിന്റെ പത്തു വിക്കറ്റുകളും വീഴ്ത്തിയത്. 39 വർഷത്തിനിടെ ആദ്യമായാണ് രഞ്ജി ട്രോഫിയിൽ ഇന്നിങ്സിലെ പത്തു വിക്കറ്റുകളും ഒരു താരം സ്വന്തമാക്കുന്നത്.
വെള്ളിയാഴ്ച കേരള താരം ഷോൺ റോജറിനെ പുറത്താക്കിയാണ് അന്‍ഷൂൽ കാംബോജ് ചരിത്ര നേട്ടത്തിലെത്തിയത്. 30.1 ഓവറുകൾ പന്തെറിഞ്ഞ അൻഷൂൽ 49 റൺസ് വഴങ്ങി. ‘ഹൈബ്രിഡ് മോഡൽ’ നടക്കില്ല, കടുംപിടിത്തം തുടർന്ന് പാക്കിസ്ഥാൻ; ചാംപ്യൻസ് ട്രോഫി ഏറ്റെടുക്കാൻ ഇന്ത്യ? Cricket 23 വയസ്സുകാരനായ ഹരിയാന താരം കരിയറിലെ 19–ാം മത്സരം മാത്രമാണു കേരളത്തിനെതിരെ കളിക്കുന്നത്.
ഇന്ത്യ എ, ഇന്ത്യ അണ്ടർ 19 ടീമുകൾക്കു വേണ്ടി കളിച്ചിട്ടുള്ള അൻഷൂൽ ഐപിഎല്ലിൽ മുംബൈ ഇന്ത്യൻസിന്റെ താരമായിരുന്നു. ആദ്യ ഇന്നിങ്സിൽ കേരളത്തിനായി അക്ഷയ് ചന്ദ്രൻ (178 പന്തിൽ 59), രോഹൻ എസ്.
കുന്നുമ്മൽ (102 പന്തിൽ 55), സച്ചിൻ ബേബി (146 പന്തിൽ 52), മുഹമ്മദ് അസറുദ്ദീന്‍ (74 പന്തില്‍ 53) എന്നിവർ അർധ സെഞ്ചറി നേടിയിരുന്നു. 107 പന്തുകൾ നേരിട്ട
ഷോൺ റോജർ 42 റൺസും സ്വന്തമാക്കി. ഓപ്പണർ ബാബ അപരാജിത് (പൂജ്യം), സൽമാൻ നിസാർ (പൂജ്യം), ജലജ് സക്സേന (നാല്) എന്നിവർ ബാറ്റിങ്ങിൽ നിരാശപ്പെടുത്തി.
റൺ വരുന്നതിനു മുൻപേ ആദ്യ വിക്കറ്റു വീണ കേരളത്തിന് സ്‌കോര്‍ 158 ല്‍ എത്തിയപ്പോള്‍ അഞ്ച് വിക്കറ്റ് നഷ്ടമായിരുന്നു. ഏഴാമനായി ഇറങ്ങിയ മുഹമ്മദ് അസറുദ്ദീന്റെയും ക്യാപ്റ്റന്‍ സച്ചിന്‍ ബേബിയുടെയും കൂട്ടുകെട്ടായിരുന്നു കേരളത്തെ കര കയറ്റിയത്.
ഇരുവരും ചേര്‍ന്ന് 71 റണ്‍സ് കൂട്ടിച്ചേര്‍ത്തപ്പോള്‍ കേരളത്തിന്റെ സ്‌കോര്‍ 200 കടന്നു. സഞ്‍ജു സാംസൺ അല്ല, ടീം ഇന്ത്യയുടെ ആശങ്ക റിങ്കു സിങ്; ‘ഭാഗ്യ’ സ്റ്റേഡിയത്തിൽ ജയിച്ചാൽ പരമ്പര Cricket സ്‌കോര്‍ 232 ല്‍ എത്തിയപ്പോള്‍ അസറുദ്ദീന്റെ(53) വിക്കറ്റും കേരളത്തിന് നഷ്ടമായി.
അസറുദ്ദീന്‍ പുറത്തായതിന് പിന്നാലെ സച്ചിനും(52) കപില്‍ ഹൂഡയ്ക്ക് ക്യാച്ച് നല്‍കി മടങ്ങി. തുടര്‍ന്ന് 15 റണ്‍സ് കൂട്ടിച്ചേര്‍ക്കുന്നതിനിടെ നിതീഷ് എം.ഡിയെയും കേരളത്തിന് നഷ്ടമായി.
പിന്നീട് പത്താമനായി ഇറങ്ങിയ ബേസില്‍ തമ്പിയുമായി ചേര്‍ന്ന് ഷോണ്‍ റോജറാണ് കേരളത്തെ ഭേദപ്പെട്ട നിലയില്‍ എത്തിച്ചത്.
English Summary:
Ranji Trophy Kerala vs Haryana Match, Day 3 Updates
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
