ബാന്ദ്ര കുർള കോംപ്ലക്സിൽ രോഹിത് ശർമയുടെ ‘ഓട്ടം’, സഹായത്തിന് പഴ്സനൽ ട്രെയിനറും; ദൃശ്യങ്ങൾ വൈറൽ – വിഡിയോ

മുംബൈ∙ ഓസ്ട്രേലിയൻ പര്യടനത്തിലെ ദയനീയ പ്രകടനത്തിന്റെ പശ്ചാത്തലത്തിൽ ഇന്ത്യൻ ടീമിന്റെ നായകസ്ഥാനവും ടെസ്റ്റ് ടീമിലെ സ്ഥാനവും സംശയത്തിലായതിനു പിന്നാലെ, മുംബൈയിലൂടെയുള്ള രോഹിത് ശർമയുടെ ‘ഓട്ടം’ സമൂഹമാധ്യമങ്ങളിൽ വൈറൽ. മുംബൈയിലെ ബാന്ദ്ര കുർള കോംപ്ലക്സിൽ പഴ്സനൽ ട്രെയിനറെ ഉൾപ്പെടെ നിയോഗിച്ചായിരുന്നു രോഹിത്തിന്റെ ‘ഓട്ടം’. ഇടയ്ക്കിടെ പഴ്സനൽ ട്രെയിനറിൽനിന്ന് ഉപദേശങ്ങൾ സ്വീകരിച്ചായിരുന്നു രോഹിത്തിന്റെ പരിശീലനം.

ഓസ്ട്രേലിയൻ പരമ്പരയിലെ മോശം പ്രകടനത്തിന്റെ പേരിൽ വിമർശനമേറ്റുവാങ്ങിയ ക്യാപ്റ്റൻ രോഹിത് ശർമ ഇന്നലെ മുംബൈയുടെ രഞ്ജി ടീമിനൊപ്പം ചേർന്ന് പരിശീലനം ആരംഭിച്ചിരുന്നു. മുംബൈ വാങ്ക‍ഡെ സ്റ്റേഡിയത്തിൽ ഇന്നലെ ആരംഭിച്ച മുംബൈ രഞ്ജി ടീമിന്റെ പരിശീലന ക്യാംപിൽ ചേ‍ർന്ന രോഹിത് ശർമ, ഫോം വീണ്ടെടുത്ത് താൻ ടെസ്റ്റ് ക്രിക്കറ്റിൽ തുടരുമെന്നതിന്റെ സൂചന നൽകുകയായിരുന്നു.

Captain Rohit Sharma running at BKC today morning.🔥✌️

Hitman working hard for CT @ImRo45 🐐 pic.twitter.com/gddH3LJijI

— 𝐑𝐮𝐬𝐡𝐢𝐢𝐢⁴⁵ (@rushiii_12) January 15, 2025

ഓസ്ട്രേലിയൻ പരമ്പരയ്ക്കുശേഷം രോഹിത്തും പരിശീലകൻ ഗൗതം ഗംഭീറും ചീഫ് സിലക്ടർ അജിത് അഗാർക്കറും കഴിഞ്ഞ ദിവസം ബിസിസിഐ ഭാരവാഹികളുമായി ചർച്ച നടത്തിയിരുന്നു. ഇതിനു പിന്നാലെയാണു രോഹിത് പരിശീലനം തുടങ്ങിയത്. അജിൻക്യ രഹാനെ നയിക്കുന്ന മുംബൈ ടീമിനൊപ്പം ഈയാഴ്ച മുഴുവൻ പരിശീലനം നടത്തും. എന്നാൽ 23ന് ജമ്മു കശ്മീരിനെതിരെ ആരംഭിക്കുന്ന മത്സരത്തിൽ മുംബൈയ്ക്കായി രോഹിത് കളിക്കുമോയെന്ന് ഉറപ്പില്ല.

English Summary:
Rohit Sharma Spotted Sprinting In Mumbai Amid Ranji Trophy Rumors

TAGS

Indian Cricket Team

Board of Cricket Control in India (BCCI)

Rohit Sharma

.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}

@media only screen and (max-width:510px) {
#news-buzz-iframe {
height: 180px;
}
}

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com

…