ഓസ്ട്രേലിയൻ ഓപ്പണിൽ ജോക്കോവിച്ചിനെ വിറപ്പിച്ച് ഇന്ത്യൻ വംശജനായ യുഎസ് താരം; ആദ്യ സെറ്റ് നേടി, പിന്നെ തോറ്റു

മെൽബൺ ∙ ഓസ്ട്രേലിയൻ ഓപ്പൺ കോർട്ടിൽ ഇന്നലെ ഒരു യുഎസ് താരത്തിനൊപ്പമായിരുന്നു ടെന്നിസ് ആരാധകരുടെ മനസ്സ്. പുരുഷ സിംഗിൾസ് ഒന്നാം റൗണ്ടിൽ നൊവാക് ജോക്കോവിച്ചിനെ വിറപ്പിച്ച ഇന്ത്യൻ വംശജൻ നിശേഷ് ബസവറെഡ്ഡിക്കൊപ്പം. സെർബിയൻ ഇതിഹാസത്തിനെതിരെ ആദ്യ സെറ്റ് സ്വന്തമാക്കിയ പത്തൊൻപതുകാരൻ നിശേഷ് വലിയൊരു അട്ടിമറിയുടെ സൂചന ഉയർത്തി.

പിന്നീടുള്ള മൂന്നു സെറ്റുകളിൽ പതിവു ഫോമിലേക്കുയർന്ന ജോക്കോ ആ പ്രതീക്ഷ ഇല്ലാതാക്കിയെങ്കിലും (4–6,6–3,6–4,6–2) റോഡ് ലേവർ അരീനയിൽ നിന്ന് നിറചിരിയോടെയായിരുന്നു നിശേഷിന്റെ മടക്കം. ആന്ധ്രപ്രദേശിലെ നെല്ലൂരിൽ നിന്ന് അമേരിക്കയിലേക്കു കുടിയേറിയവരാണ് നിശേഷിന്റെ മാതാപിതാക്കൾ. നിലവിൽ ലോക റാങ്കിങ്ങിൽ 107–ാം സ്ഥാനത്തുള്ള നിശേഷ് വൈൽഡ് കാർഡ് എൻട്രി ആയിട്ടാണ് ഓസ്ട്രേലിയൻ ഓപ്പണിന് എത്തിയത്.

പുരുഷ സിംഗിൾസിൽ ഒന്നാം സീഡ് യാനിക് സിന്നർ, മൂന്നാം സീഡ് കാർലോസ് അൽകാരസ് എന്നിവരും മുന്നേറി. 10–ാം സീഡ് ഗ്രിഗർ ദിമിത്രോവും 11–ാം സീഡ് സ്റ്റെഫാനോസ് സിറ്റ്സിപാസും  പുറത്തായി. വനിതാ സിംഗിൾസിൽ കൊക്കോ ഗോഫ്, നവോമി ഒസാക്ക, ഇഗ സ്യാംതെക്, ജെസിക്ക പെഗുല, ബെലിൻഡ ബെൻസിച്ച് എന്നിവർ രണ്ടാം റൗണ്ടിലെത്തി.

English Summary:
Australian Open: Nishchay Basavreddi, the 19-year-old Indian-American tennis sensation, stunned Novak Djokovic by winning the first set at the Australian Open. Despite the eventual loss, his impressive performance has earned him global recognition.

TAGS

Australian Open

Tennis

Sports

Novak Djokovic

.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}

@media only screen and (max-width:510px) {
#news-buzz-iframe {
height: 180px;
}
}

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com

…