ഹൈദരാബാദ്∙ ബംഗ്ലദേശിനെതിരായ സെഞ്ചറി നേട്ടത്തിനു പിന്നാലെ മലയാളി ക്രിക്കറ്റ് താരം സഞ്ജു സാംസണെ കെട്ടിപ്പിടിക്കാൻ ഓടിയെത്തി ഇന്ത്യൻ ക്യാപ്റ്റൻ സൂര്യകുമാർ യാദവ്. സെഞ്ചറി നേടിയപ്പോൾ ഹെൽമറ്റ് ഊരി ബാറ്റ് ഉയർത്തിയാണ് സഞ്ജു ആഘോഷിച്ചത്. പിന്നീട് പ്രിയപ്പെട്ട ‘മസിൽ പെരുപ്പിക്കൽ’ സെലിബ്രേഷനും സഞ്ജു നടത്തി. ക്യാപ്റ്റൻ സൂര്യയെ നോൺ സ്ട്രൈക്കറുടെ സ്ഥാനത്ത് കാഴ്ചക്കാരനാക്കിയായിരുന്നു സഞ്ജു ട്വന്റി20 രാജ്യാന്തര കരിയറിലെ ആദ്യ സെഞ്ചറി നേടിയത്.
‘വലിച്ചടി’ ശീലിച്ച സഞ്ജു ഭാഷ്യം, വിമർശകർക്ക് ഇനി വിശ്രമിക്കാം; ഹൈദരാബാദിൽ സാംസൺ ഷോ
Cricket
ഓടിയെത്തിയ സൂര്യ, സഹതാരത്തെ കെട്ടിപ്പിടിച്ച് സെഞ്ചറി നേട്ടം ആഘോഷമാക്കി. മത്സരത്തിനു ശേഷം സഞ്ജുവിന്റെ ബാറ്റിങ്ങിനെക്കുറിച്ച് സൂര്യകുമാർ യാദവ് പ്രതികരിക്കുകയും ചെയ്തു. ‘‘ആരും ടീമിനെക്കാൾ വലുതല്ലെന്നാണു ഗൗതി ഭായ് (ഗൗതം ഗംഭീർ) പറയാറുള്ളത്. നിങ്ങൾ 49 ഓ 99 റൺസെടുത്തു നിൽക്കുമ്പോഴും പന്ത് അടിച്ചുപറത്തുകയെന്നതാകണം ലക്ഷ്യം. അതാണ് സഞ്ജു ഇന്നു ചെയ്തത്. ബാറ്റിങ്ങിലും ബോളിങ്ങിലും അനായാസം കാര്യങ്ങൾ ചെയ്യാൻ നമുക്കു സാധിക്കണം. ഗ്രൗണ്ടിൽ എപ്പോഴും ഇതു തുടരാനാകണം.’’– സൂര്യകുമാർ യാദവ് വ്യക്തമാക്കി.
ആദ്യ പന്തിൽ റണ്ണില്ല, അഞ്ചു പന്തുകളും നിലംതൊടീക്കാതെ സഞ്ജുവിന്റെ പ്രഹരം; ഒരോവറിൽ 30 റൺസ്
Cricket
ബംഗ്ലദേശിനെതിരായ മൂന്നാം ട്വന്റി20യിൽ 47 പന്തിൽ 111 റൺസെടുത്താണു സഞ്ജു സാംസൺ പുറത്തായത്. 40 പന്തുകളിൽനിന്ന് താരം രാജ്യാന്തര കരിയറിലെ ആദ്യ ട്വന്റി20 സെഞ്ചറി പൂര്‍ത്തിയാക്കി. 11 ഫോറുകളും എട്ട് സിക്സുകളുമാണ് ഹൈദരാബാദ് രാജീവ് ഗാന്ധി സ്റ്റേഡിയത്തിൽ സഞ്ജു ബൗണ്ടറി കടത്തിയത്. 133 റൺസ് വിജയത്തോടെ മൂന്നു മത്സരങ്ങളുടെ പരമ്പര ഇന്ത്യ 3–0ന് സ്വന്തമാക്കുകയും ചെയ്തു.
Sanju Samson and Suryakumar yadav beats Bangladesh by 22 runs.
Gautam Gambhir believed in Sanju talent and given the full series and he showed his talent. Sanju performs in IPL because he gets 14 opportunities and that’s what is needed in international.pic.twitter.com/YyLU2hILi7
— Sujeet Suman (@sujeetsuman1991) October 12, 2024
English Summary:
Suryakumar Yadav celebrates Sanju Samson’s century
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
