റയൽ മഡ്രിഡിന്റെ ഗോൾവല നിറച്ച് ബാർസിലോനയ്ക്ക് സ്പാനിഷ് സൂപ്പർ കപ്പ് ഫുട്ബോൾ കിരീടം

ജിദ്ദ (സൗദി അറേബ്യ) ∙ കളിയിലെ തന്ത്രങ്ങളിലും ഗോളുകളിലും റയൽ മഡ്രിഡിനെ നിഷ്പ്രഭരാക്കിയ ബാർസിലോനയ്ക്ക് സ്പാനിഷ് സൂപ്പർ കപ്പ് ഫുട്ബോൾ കിരീടം. മത്സരം ആരംഭിച്ച് അഞ്ചാം മിനിറ്റിൽ ഫ്രഞ്ച് താരം കിലിയൻ എംബപെയിലൂടെ റയൽ മുന്നിലെത്തിയെങ്കിലും വൈകാതെ വിശ്വരൂപം പുറത്തെടുത്ത ബാർസ, തുടരെ റയലിന്റെ ഗോൾവല നിറച്ച് ആധിപത്യമുറപ്പിച്ചു. 22 ാം മിനിറ്റിൽ ലമീൻ യമാലിലൂടെയാണ് ബാർസ സമനില ഗോൾ നേടിയത്. പിന്നാലെ എ‍ഡ്വേഡോ കമവിൻഗയുടെ പിഴവിൽ 36 ാം മിനിറ്റിൽ ലഭിച്ച പെനാൽറ്റി പോളണ്ട് സ്ട്രൈക്കർ റോബർട്ട് ലെവൻഡോവ്സ്കി ഗോളാക്കിയതോടെ ബാർസ മുന്നിലെത്തി. 39 ാം മിനിറ്റിൽ ബ്രസീലിയൻ സൂപ്പർതാരം റാഫീഞ്ഞ ബാർസയുടെ ലീഡുയർത്തി.

ആദ്യ പകുതി അവസാനിക്കാൻ നിമിഷങ്ങൾ മാത്രം ശേഷിക്കെ, അലഹാന്ദ്രോ ബാൾഡെ വീണ്ടും റയലിന്റെ ഗോൾവല ചലിപ്പിച്ചു. രണ്ടാം പകുതി ആരംഭിച്ചതിനു പിന്നാലെ റാഫീഞ്ഞ (48 ാം മിനിറ്റ്) വീണ്ടും പന്ത് റയലിന്റെ വലയിലെത്തിച്ചു. 56 ാം മിനിറ്റിൽ ഗോൾകീപ്പർ വോയ്ചെക് ഷെസ്നി ചുവപ്പു കാർഡ് കണ്ടു പുറത്തായതോടെ ബാർസ പത്തു പേരായി ചുരുങ്ങി. 60 ാം മിനിറ്റിൽ റോഡ്രിഗോ റയലിന്റെ രണ്ടാം ഗോൾ നേടി. ബാർസിലോനയുടെ 15 ാം സൂപ്പർ കപ്പ് കിരീടമാണിത്. റയൽ മഡ്രിഡ് 13 തവണ സൂപ്പർ കപ്പ് കിരീടം നേടിയിട്ടുണ്ട്. തുടർച്ചയായ 3–ാം തവണയാണു ബാർസ സൂപ്പർ കപ്പ് ഫൈനൽ കളിച്ചത്.

English Summary:
Barcelona thrash Real Madrid in Spanish Super Cup thriller final: Barcelona came from an early goal down to beat Real Madrid 5-2 in the Spanish Super Cup final on Sunday, scoring four goals in a dominant first half and surviving having their goalkeeper sent off to clinch a record-extending 15th trophy.

TAGS

Super Cup Football

FC Barcelona

Real Madrid

Football

.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}

@media only screen and (max-width:510px) {
#news-buzz-iframe {
height: 180px;
}
}

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com

…