പുണെ ∙ മുന്നിലുള്ളത് ഒരു ദിവസം, കയ്യിലുള്ളത് 8 വിക്കറ്റ്, എത്തിപ്പിടിക്കേണ്ടത് 299 റൺസ്: രഞ്ജി ട്രോഫി ക്രിക്കറ്റിന്റെ സെമിഫൈനലിലെത്താൻ കേരളത്തിനു മുന്നിലുള്ള കണക്ക് ഇപ്രകാരമാണ്. ഇനി മത്സരം സമനിലയിൽ അവസാനിപ്പിക്കാൻ സാധിച്ചാലും ആദ്യ ഇന്നിങ്സിൽ നേടിയ ലീഡിന്റെ ബലത്തിൽ കേരളത്തിനു സെമി ഉറപ്പാക്കാം.
നാലാം ദിനം 3ന് 180 എന്ന സ്കോറിൽ ബാറ്റിങ് ആരംഭിച്ച ജമ്മു കശ്മീർ 9ന് 399 എന്ന സ്കോറിൽ ഡിക്ലയർ ചെയ്തു. സെഞ്ചറി നേടിയ ക്യാപ്റ്റൻ പരസ് ദോഗ്രയുടെ (132) ഇന്നിങ്സാണ് കശ്മീരിനു മികച്ച സ്കോർ നൽകിയത്. കേരളത്തിനായി എം.ഡി.നിധീഷ് 4 വിക്കറ്റ് വീഴ്ത്തി. ഇതോടെ മത്സരത്തിൽ നിധീഷിനു 10 വിക്കറ്റായി.
നാലാം ദിനം കളി നിർത്തുമ്പോൾ രണ്ടാം ഇന്നിങ്സിൽ 2ന് 100 എന്ന നിലയിലാണ് കേരളം. അക്ഷയ് ചന്ദ്രൻ (32), സച്ചിൻ ബേബി (19) എന്നിവരാണ് ക്രീസിൽ.
∙ തിരിച്ചടിച്ച് ജമ്മു കശ്മീർ
നാലാം ദിനം ബാറ്റിങ്ങിന് ഇറങ്ങിയ ജമ്മു കശ്മീരിന്റെ പ്രതീക്ഷ മുഴുവൻ ക്യാപ്റ്റൻ പരസ് ദോഗ്രയുടെ ബാറ്റിലായിരുന്നു. പ്രതീക്ഷ തെറ്റിക്കാതെ പരസ് മുന്നിൽ നിന്നു നയിച്ചതോടെ കശ്മീരിനു കാര്യങ്ങൾ എളുപ്പമായി. 232 പന്തിൽ 2 സിക്സും 13 ഫോറും അടങ്ങുന്നതാണ് പരസിന്റെ സെഞ്ചറി ഇന്നിങ്സ്. ക്യാപ്റ്റനു പുറമേ കനയ്യ വധാവൻ (64), സഹിൽ ലോത്ര (59) എന്നിവരും കശ്മീരിനായി തിളങ്ങി.
വാലറ്റത്ത് നാസിർ ലോൺ (28), യുദ്ധവീർ സിങ് (27) എന്നിവർ നടത്തിയ ചെറുത്തുനിൽപുകളും കശ്മീരിന്റെ ലീഡ് ഉയർത്തുന്നതിൽ നിർണായകമായി. കേരളത്തിനായി നിധീഷിനു പുറമേ, എൻ.പി.ബേസിൽ, ആദിത്യ സർവതേ എന്നിവർ 2 വിക്കറ്റ് വീതം വീഴ്ത്തി.
∙ കേരളം പൊരുതുന്നു
399 റൺസ് വിജയലക്ഷ്യവുമായി ഇറങ്ങിയ കേരളത്തിന്റെ മുന്നിലെ പ്രധാന വെല്ലുവിളി കാര്യമായ നഷ്ടങ്ങളില്ലാതെ നാലാം ദിനം അവസാനിപ്പിക്കുക എന്നതായിരുന്നു. കരുതലോടെ തുടങ്ങിയ കേരള ഓപ്പണർമാരായ രോഹൻ കുന്നുമ്മലും (36) അക്ഷയ് ചന്ദ്രനും ചേർന്ന് ഒന്നാം വിക്കറ്റിൽ 54 റൺസ് നേടിയെങ്കിലും രോഹനെയും പിന്നാലെയെത്തിയ ഷോൺ റോജറിനെയും (6) മടക്കിയ യുദ്ധവീർ സിങ് കശ്മീരിനു മേൽക്കൈ നൽകി. മൂന്നാം വിക്കറ്റിൽ 30 റൺസ് നേടിയ അക്ഷയ്– സച്ചിൻ ബേബി സഖ്യം മറ്റു പരുക്കുകളില്ലാതെ നാലാം ദിനം അവസാനിപ്പിക്കാൻ കേരളത്തെ സഹായിച്ചു.
English Summary:
Ranji Trophy Updates: Jammu and Kashmir vs Kerala, Ranji Trophy 2024-25, Quarter Final, Day 5 – Live Updates
TAGS
Ranji Trophy
Cricket
Sports
Kerala Cricket Team
.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}
@media only screen and (max-width:510px) {
#news-buzz-iframe {
height: 180px;
}
}
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
അവശ്യസേവനങ്ങൾ കണ്ടെത്താനും ഹോം ഡെലിവറി ലഭിക്കാനും സന്ദർശിക്കു www.quickerala.com
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
