ഇന്റർ കാശിക്കെതിരായ തോൽവി മറക്കണം, വിജയവഴിയിൽ തിരിച്ചെത്തണം; ഗോകുലം ഇന്ന് ചർച്ചിൽ ബ്രദേഴ്സിനെതിരെ

പനജി∙ ഐ ലീഗ് ഫുട്ബോളിൽ വിജയം തേടി ഗോകുലം കേരള എഫ്‍സി ഇന്ന് കളത്തിലിറങ്ങുന്നു. ഉച്ചയ്ക്ക് 3.30ന് ഗോവയിലെ റയ പഞ്ചായത്ത് സ്റ്റേഡിയത്തിൽ നടക്കുന്ന മത്സരത്തിൽ ചർച്ചിൽ ബ്രദേഴ്സാണ് ഗോകുലത്തിന്റെ എതിരാളികൾ. അവസാന മത്സരത്തിൽ ഇന്റർ കാശിയോടു പിണഞ്ഞ തോൽവിയുടെ ക്ഷീണം മാറ്റാൻ ഗോകുലത്തിന് ഇന്ന് ജയിച്ചേ തീരു. ഇന്റർ കാശിക്കെതിരേ സ്വന്തം മൈതാനത്ത് 6-2ന്റെ ജയം നേടിയ ഗോകുലം, എവേ മത്സരത്തിൽ 3-2 എന്ന സ്‌കോറിനാണ് അതേ എതിരാളികളോട് പരാജയപ്പെട്ടത്.

12 മത്സരങ്ങൾ പൂർത്തിയാകുമ്പോൾ ഗോകുലം കേരള പോയിന്റ് പട്ടികയിൽ ആറാം സ്ഥാനത്താണുള്ളത്. അഞ്ച് മത്സരങ്ങളിൽ ഗോകുലം ജയിച്ചപ്പോൾ നാല് മത്സരങ്ങൾ സമനിലയിൽ കലാശിച്ചു. മൂന്ന് മത്സരങ്ങളിൽ തോൽവി വഴങ്ങി.

അവസാന നാലു മത്സരങ്ങളിലും മുന്നേറ്റനിരയിലും ഫൈനൽ തേഡിലും കാര്യമായ മുന്നേറ്റമുണ്ടാക്കാൻ സാധിച്ചത് ഗോകുലത്തിന്റെ ആത്മവിശ്വാസം കൂട്ടുന്നു. അതിനാൽ ഇന്നത്തെ മത്സരത്തിൽ ചർച്ചിലിനെ വീഴ്ത്താൻ കഴിയുമെന്ന പ്രതീക്ഷയിലാണ് ഗോകുലം. അവസാന മത്സരത്തിൽ പട്ടികയിൽ അവസാന സ്ഥാനക്കാരായ ബംഗളൂരു എസ്‌സി ചർച്ചിലിനെ 1-1ന് സമനിലയിൽ തളച്ചിരുന്നു. 

‘‘നിലവിൽ ടീം മികച്ച ആത്മവിശ്വാസത്തിലാണ്. താരങ്ങളെല്ലാം ഒത്തിണക്കം കാണിക്കുന്നതിനാൽ മുന്നേറ്റവും പ്രതിരോധവും ഒരുപോലെ മികവ് കാട്ടുന്നു. ഇന്നത്തെ മത്സരത്തിൽ ചർച്ചിലിനെ തോൽപ്പിച്ച് മൂന്ന് പോയിന്റ് നേടാൻ കഴിയുമെന്ന് തന്നെയാണ് വിശ്വാസം’’ – ഗോകുലം പരിശീലകൻ അന്റോണിയോ റുവേഡ വ്യക്തമാക്കി.

English Summary:
Churchill Brothers vs Gokulam Kerala, I-League 2024-25 Match- Live Updates

TAGS

Gokulam Kerala FC

I League Football

Football

.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}

@media only screen and (max-width:510px) {
#news-buzz-iframe {
height: 180px;
}
}

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com

…