മുംബൈ∙ ഇംഗ്ലണ്ടിനെതിരായ അഞ്ചാം ട്വന്റി20 മത്സരത്തിനിടെ ഇന്ത്യൻ താരം സഞ്ജു സാംസണിനു പരുക്ക്. ഇംഗ്ലണ്ടിനെതിരെ ബാറ്റു ചെയ്യുമ്പോൾ ജോഫ്ര ആർച്ചറുടെ പന്ത് ഇടിച്ച് സഞ്ജുവിന്റെ വിരലിനു പരുക്കേറ്റു. ആർച്ചറിന്റെ മത്സരത്തിലെ ആദ്യ പന്ത് സിക്സർ പറത്തിയ സഞ്ജുവിന് മൂന്നാം പന്തിലാണു പരുക്കേറ്റത്. തുടർന്ന് ടീം ഫിസിയോയെത്തി സഞ്ജുവിന്റെ പരുക്ക് പരിശോധിച്ചു. ഇതേ ഓവറിൽ ഒരു സിക്സും ഫോറുമുൾപ്പടെ രണ്ട് ബൗണ്ടറികൾ കൂടി നേടിയെങ്കിലും അടുത്ത ഓവറിൽ താരം പുറത്തായിരുന്നു.
സെഞ്ചറിയിൽ രോഹിത് സേഫ്, പക്ഷേ സിക്സടിയിൽ അഭിഷേകിനു മുന്നിൽ വീണു; ഒരു മത്സരം, ഒരുപാട് റെക്കോർഡുകൾ
Cricket
ആർച്ചറുടെ ആദ്യ ഓവറിൽ 16 റൺസാണ് സഞ്ജു അടിച്ചെടുത്തത്. എന്നാൽ മാർക് വുഡ് എറിഞ്ഞ രണ്ടാം ഓവറിലെ അഞ്ചാം പന്തിൽ സഞ്ജു പുറത്തായി. ജോഫ്ര ആർച്ചർ ക്യാച്ചെടുത്താണ് സഞ്ജു ഇത്തവണ മടങ്ങിയത്. എന്നാൽ സഞ്ജുവിനെ വിക്കറ്റ് കീപ്പറാക്കാൻ ടീം മാനേജ്മെന്റ് തയാറായില്ല. സഞ്ജുവിനു പരുക്കേറ്റ സാഹചര്യത്തിൽ പ്ലേയിങ് ഇലവനിൽ ഇല്ലാതിരുന്ന ധ്രുവ് ജുറേൽ പകരം വിക്കറ്റ് കീപ്പറായി ഇറങ്ങി.
അഭിഷേക് ശർമ ഒറ്റയ്ക്ക് 135, ഇംഗ്ലണ്ട് എല്ലാവരും ചേർന്ന് 97! വാങ്കഡേയില്‍ ഇന്ത്യയ്ക്ക് 150 റൺസ് വിജയം
Cricket
സഞ്ജുവിന്റെ പരുക്കിനെക്കുറിച്ച് ബിസിസിഐ ഇതുവരെ പ്രതികരിച്ചിട്ടില്ല. എന്നാൽ വിക്കറ്റ് കീപ്പറായി ഇറങ്ങി, പരുക്കു കൂടുതൽ വഷളാകാതിരിക്കാൻ മുൻകരുതലായി സഞ്ജുവിനെ മാറ്റിനിർത്തിയെന്നാണു വിവരം. അടുത്ത മാസം ഇന്ത്യൻ പ്രീമിയർ ലീഗ് മത്സരങ്ങൾ തുടങ്ങുന്ന സാഹചര്യത്തിൽ സഞ്ജുവിന്റെ ഫിറ്റ്നസ് രാജസ്ഥാൻ റോയൽസിനും നിർണായകമാണ്. പരുക്കു മാറിയാൽ താരം രഞ്ജി ട്രോഫിയിൽ കേരളത്തിനായി ഇറങ്ങാനും സാധ്യതയുണ്ട്.
English Summary:
Why is Dhruv Jurel keeping wickets in place of Sanju Samson for India?
TAGS
Sanju Samson
Indian Cricket Team
England Cricket Team
Board of Cricket Control in India (BCCI)
.news-buzz-outer {
margin-right: auto;
margin-left: auto;
max-width: 845px;
width: 100%;
}
.news-buzz-inner {
width: 100%;
position: relative;
}
#news-buzz-iframe {
width: 100%;
min-width: 100%;
width: 200px;
display: block;
border: 0;
height: 105px;
}
@media only screen and (max-width:510px) {
#news-buzz-iframe {
height: 180px;
}
}
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
അവശ്യസേവനങ്ങൾ കണ്ടെത്താനും ഹോം ഡെലിവറി ലഭിക്കാനും സന്ദർശിക്കു www.quickerala.com
