മുംബൈ: ‘ഹോളിഗാർഡ്‌സ്’ എന്ന സൂപ്പർ നാച്ചുറൽ ആക്ഷൻ-ത്രില്ലറിലൂടെ ബോളിവുഡ് നടി ദിഷ പഠാനി ഹോളിവുഡിൽ അരങ്ങേറ്റം കുറിക്കും. ഓസ്‌കാർ ജേതാവായ നടന്‍ കെവിൻ സ്‌പെയ്‌സി രണ്ട് പതിറ്റാണ്ടിലേറെക്കാലത്തിനു ശേഷം സംവിധാനരംഗത്തേക്ക് തിരിച്ചെത്തുന്ന ചിത്രമാണിത്. മെക്സിക്കോയിൽ ചിത്രീകരിച്ച ഈ ചിത്രത്തില്‍ അന്താരാഷ്ട്ര താരങ്ങള്‍ അണിനിരക്കുന്നുണ്ട്.
ദിഷയെ കൂടാതെ, ഡോൾഫ് ലണ്ട്‌ഗ്രെൻ, ടൈറീസ് ഗിബ്സൺ, ബ്രിയാന ഹിൽഡെബ്രാൻഡ് എന്നിവരാണ് ചിത്രത്തിൽ അഭിനയിക്കുന്നത്. ‘സ്റ്റാറ്റിഗാർഡ്‌സ് vs ഹോളിഗാർഡ്‌സ്’ എന്ന പേരിലുള്ള ഫ്രാഞ്ചൈസിയുടെ ഭാഗമായിരിക്കും ഈ ചിത്രം എന്നാണ് വിവരം. പോസ്റ്റ്-പ്രൊഡക്ഷൻ സമയത്ത് തന്നെ വളരെ ചര്‍ച്ചയായ ചിത്രമാണ് ഇത്.
നേരത്തെ, ദിഷയുടെ ചിത്രത്തിന്‍റെ ലൊക്കേഷനില്‍ നിന്നുള്ള ഫോട്ടോ ഓൺലൈനിൽ വൈറലായിരുന്നു. ഇത് ആരാധകർക്കിടയിൽ ആവേശം ജനിപ്പിച്ചിരുന്നു. കഴിഞ്ഞ തവണ മെക്സിക്കോയിലെ ഡുറാൻഗോയിൽ ചിത്രീകരണത്തിനിടെയാണ് ഈ ചിത്രം ചോര്‍ന്നത്.
“ഈ വർഷം ജനുവരിയിൽ തന്നെ ദിഷ മെക്സിക്കോയിലെ ഡുറാൻഗോയിൽ ടൈറീസ് ഗിബ്സൺ, ഹാരി ഗുഡ്വിൻസ് എന്നിവർക്കൊപ്പം ഷൂട്ടിനായി എത്തിയിരുന്നു, വളരെ വിസ്മയകരമായ ഒരു കഥയാണ് ചിത്രം പറയുന്നത്. അതിനാല്‍ തന്നെ അത്ഭുതങ്ങള്‍ക്ക് കാത്തിരിക്കണം” ദിഷയുടെ ആദ്യ ഹോളിവുഡ് ചിത്രം സംബന്ധിച്ച വിവരം പുറത്തുവിട്ട ഒരു കേന്ദ്രം പറഞ്ഞു.
പക്ഷെ ദിഷയുടെ ആദ്യ ഹോളിവുഡ് പ്രൊജക്ട് ആണെങ്കിലും ആദ്യത്തെ അന്താരാഷ്ട്ര പ്രോജക്റ്റ് അല്ല ഇത്. നേരത്തെ, താരം ജാക്കി ചാനോടൊപ്പം ‘കുങ് ഫു യോഗ’യിൽ പ്രവർത്തിച്ചിരുന്നു താരം. ഹോളിവുഡ് ചിത്രത്തിന് പുറമെ, 2025 ൽ തിയേറ്ററുകളിൽ എത്താൻ പോകുന്ന ഐക്കണിക് ‘വെൽക്കം’ ഫ്രാഞ്ചൈസിയുടെ മൂന്നാം ഭാഗമായ ‘വെൽക്കം ടു ദി ജംഗിൾ’ എന്ന ചിത്രത്തിനും ദിഷ അഭിനയിക്കുന്നു
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
